Levhi 20:2 - Bhiblia Yo Sawuleka

² Kambe u na khawe ka vanana va ka Israyeli : Ni wuhi ka vanana va ka Israyeli, mwendo mluveli wule a nga aka amu ditikoni ka va ka Israyeli, a no ningela mwanana wakwe, e maha mhamba ka Moloke, a na dawa; vathu va mu ditikoni va na m'balisela ngu marigwi.

Levhi 20:2 Referans Kwoze

Dhewuteronome 21:21

Sekoko vavamna votshe va didhoropa va na m'balisela ngu marigwi kala a txi fa. Ngu kumaha keto, u na heta wubihi hagari kwako, se votshe va ka Israyeli, ngako va txi tiengisa va na thava.

Levhi 24:23

Mosi a manekile a txi tsanisa timhaka tiya ka vanana va ka Israyeli. Se va manekile va txi mteka m'thu wule a nga ruketela va txi m'yisa hahanze ka wugovelo, veya m'balisela ngu marigwi a txi fa. Ngu toneto, vanana va ka Israyeli va to maha nga ti Mkoma a nga leletisa tona Mosi.

Levhi 24:14

Humisa hahanze ka wugovelo m'thu wule a nga womba-womba mapswi o ruketela, votshe vale va nga mu engisa, va na sanzeke manza awe ha msungo kwakwe, se wotshe msengeletano wu na m'balisela ngu marigwi.

Levhi 20:27

Ngako wamwamna mwendo wamsikati a txi ya ka vanyamsoro, mwendo ka vanyatixolo, ngu ditshuri a fanete kufa, a na baliselwa ngu marigwi, mnoha wakwe wu na wa txitimwi kwakwe.

Levhi 18:21

U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

Mithumo 7:43

Kambe mi rwate m'dhuti wa Moloke ni nyeleti ya txikwembu txanu Refani. I ku sithombe si mi nga si maha kasi ku si khizamela. Ngu konaho ni na mi payula ni mi yisa ka kupinda Bhabhilona.

Ezekhiyele 23:39

Ngako va nga phaxela ngu vanana vawe ka sithombe sawe, va ti ti ta ka nyumba yangu yo sawuleka ka dona ditshiku edo, va txi ta yi nyenezisa; kambe va si mahile hagari ka nyumba yangu.

Ezekhiyele 23:37

Nguko va mahile wugango, se ku ni mnoha manzani kwawe; va mahile wugango ni sithombe sawe, ni vanana vale va nga ni velekela, va va pindisile ngu mndiloni, wu txi va tshokomisa.

Ezekhiyele 20:31

Se mbimo yi mi ningelako miningelo yanu, kambe mi pindisa vanana vanu ngu ha mndiloni, ina hi nga ku mi nga ti nyenyezisa ngu sithombe sanu kala ka ditshiku diya kani? Se mi ndi na ni wotisa ta txani, anu va nyumba ya ka Israyeli kani? Na hanya ani, kuwomba Mkoma Txizimu, taku anu kha mi na mbi ni wotisa txilo.

Ezekhiyele 20:26

se ni va nyenyezisile ngu siningo sawe vapune, sa kupindisa ngu ha mndiloni otshe matiwula; kasi ku va xasela, kasi kuva txi tiziva ti to ani ngani Mkoma.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Jeremiya 7:31

Makhalo o guleka a Tofeti va ma akile mkovani ka mwanana wa Hinomi, kasi ve hisela kona vafana ni mahorana awe ngu mndilo; eto ni nga mba laya, ni kualakanya.

Masalmo 106:38

Va theketile mnoha wo mbi na mnandu, mnoha wa vanana vawe va vafana ni mahorana, ve phaxela ngu wona ka sithombe sa Kanana se ka toneto va nyenyezisile ditiko.

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

2 Makronika 28:3

Kambe a to hisa dibaselo mkovani ka Mwana Hinomi, hambi vanana vakwe a mahile ngu vona mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

2 Vafumeli 17:17

Kambe va to phindisa ngu ha ka mndilo vanana vawe vavafana ni vamahorana, ve ti ningetetela amu ko xaxuva, ni kudhunda wuñanga, va txi ti xavisa, ngu kumaha tile i ku to biha masoni ka Mkoma, kasi ku mu wusela txiviti.

Dhewuteronome 18:10

Ku nga maneke hagari kwanu ni wammweyo wo hisa mwanana wakwe wa mfana mwendo wa dihorana ha mndiloni; hambi wa kuthumisa wuñanga, ni kuxaxuva, ni kuhuta, mwendo matiloti,

Dhewuteronome 12:31

U nga ti mahe eto masoni ka Mkoma, Txizimu txako! Nguko totshe ti Mkoma a ti nyenyako, totshe ti ene asi ti laviko, vona va ti mahile ka sizimu sawe, aha koza va txi hisa vanana vawe vavafana ni vamahorana, va txi dhumisa sizimu sawe.

Levhi 17:15

Ngako mmwani m'thu wa ka Israyeli mwendo mluveli wu a nga aka kwawe, a txi dya nyama ya txihari txo fa, hambi txo dawa ngu tximwani txihari txa txitinga, a na va a txi kuwula syambalo sakwe, e samba ngu mati, se a txi zumba a sa basa kala minova; ngu msana a na va a di basile.

Levhi 17:13

Ni wuhi m'thu wa ka Israyeli mwendo mluveli wu a nga aka hagari kwanu, e thuka a txi daya txihari mwendo txinyana kuxotani kwakwe ka sile si dyiwako, a fanete e theketa mnoha wa txona hahatshi, a txi wu kuletela.

Levhi 17:8

U na va gela ku khawe: Ngako m'thu wa ka Israyeli, mwendo mluveli wu a nga aka navo, a txi lava kumaha mningelo wo hiswa mwendo yimwani mhamba,

Levhi 20:1

Mkoma a wombile kambe ka Mosi, a txi khene:

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

Levhi 24:16

Awule a ruketelako ditina da Mkoma, ngu ditshuri a na fa, wotshe msengeletano ngu ditshuri wu na m'balisela ngu marigwi. Hambi i di mluveli mwendo Muisrayeli, ngako a txi ruketela ditina da Mkoma, a na dawa.

Dhewuteronome 17:2

Ngako ka dimwedo da madhoropa ale Mkoma, Txizimu txako, a no kuninga, ku txi maneka wamwamna mwendo wamsikati wo thuka a txi maha to biha masoni ka Mkoma, Txizimu txako, ngu kuva a txi hambunyeta txitumelelano txakwe,

Dhewuteronome 22:21

sekoko va na teka wule wa dihorana ve tsula nayo ha txikeni ka nyumba ya tate wakwe, se majaha a didhoropani kwawe, ma na m'balisela ngu marigwi kala a txi fa; nguko a mahile to biha ka va ka Israyeli, ngu kumaha wugango nyumbani ka tate wakwe; ngu toneto u na va u txi fuvisa wubihi hagari kwanu.