Levhi 20:16 - Bhiblia Yo Sawuleka

¹⁶ Nene wamsikati, ngako a txi ti ningela ka txihari, a txi otela natxo dayani eyo wamsikati kumweko ni txihari, ngu ditshuri va na dawa; mnoha wawe wu na wele txitimwi kwawe.

Levhi 20:16 Referans Kwoze

Vahebheru 12:20

Nguko, va ti xuleka kulondetela ati va nga ti rumwa ngu dona, ti taku: “Hambi i di txifuyo, ngako txi txi gwesa mmango wuwa, txi na fayetelwe ngu marigwi.”

Eksodha 21:32

aniko ngako homu yi txi dhina khumbi ya wamwamna mwendo ya wamsikati, nyamne wa homu a na diha ngu male ya magumi mararu a maxekele a silivhela ka nyamne wa khumbi, ni homu ya kona yi na baliselwa ngu marigwi.

Eksodha 19:13

Kha kulaveki kugwesa ngu dianza dakwe, aniko va na mu balisela ngu marigwi mwendo a na fuletelwa ngu tingove. Mwendo njihari mwendo i m'thu, kha na mbi hanya; ngako ku txi vetwa mpundu mbimo yo lapha, sekoko mi na kwela ha mmangoni.”

Eksodha 21:28

“Ngako homu yokari yi txi dhina wamwamna mwendo wamsikati ngu titxheho ta yona eza a txi fa, homu yoneyo yi na baliselwa ngu marigwi, ni nyama ya kona kha yi na mbi dyiwa; aniko nyamne wa kona a na divalelwa mnandu.”

Eksodha 22:19

Ni wihi wule a otelako ni txihari ngu ditshuri a na dawa.

Levhi 18:23

U nga thuke u txi otela ni txihari; nguko ngu ti nyenyezisa; wamsikati nene a nga ti ningele ka txihari, kasi ku e otela natxo, nguko ti bihile.

Levhi 20:15

Ngako wamwamna wokari a txi otela ni txihari, ngu ditshuri a fanete kudawa, ni txona txiharitxo txi na dawa.

Levhi 20:17

Se ngako wamwamna wokari a txi teka ndiyakwe, i ku mwanana wa tate wakwe mwendo wa mame wakwe, e wona wumbwiri wakwe, se nene e wona wakwe, eto ta yila; ngu kumaha keto, ngu wumbidi wawe, va na fuviswa masoni ka va ka kwawe; nguko a tumbute wumbwiri wa ndiyakwe; va na rwala wubihi wawe.