Levhi 20:14 - Bhiblia Yo Sawuleka

¹⁴ Ngako wamwamna wokari a txi tekana ni wamsikati ni mame wa kona, a mahile to yila. Ene ni vale vavasikati, va na rinzwa ha mndilo va txi hiswa, ngu wuraru wawe, kasiku txionho txo, txi guma hagari kwanu.

Levhi 20:14 Referans Kwoze

Levhi 18:17

U nga vhunungule wumbwiri wa wamsikati wokari, ni wa mwanana wakwe; hambi mwanana wa dihorana wa mwanana wakwe wa mfana, mwendo mwanana wa dihorana wa mwanana wakwe wa dihorana, nguko maxaka a ditshuri; ndingana ta hombe.

Dhewuteronome 27:23

“Dikhombo di nave ka wule a otelako ni mkokati wakwe!” Vathu votshe va na womba va txi kha vona: “Amen!”

Amosi 2:7

Va tsaka ngutu ngu kukandetela sisiwana hahatshi, va gombonyekisa tindzila ta va vo lulama; dijaha ni tate va wulelete dihorana dimwedo, kuve nyamisa ditina dangu.

Joxuwa 7:15

Se ku na maheka tito, wule a no manwa a di ni sile so yiliswa, a na hiswa ngu mndilo, ene ni sotshe sile a ku naso, nguko a nga leka txitumelelano txa Mkoma, a txi maha wubihi ka Israyeli.

Joxuwa 7:25

Se Joxuwa a to khene: “Ngu kutxani u txi hi tisela dikhombo kani? Se nyamsi, Mkoma a na tisa dikhombo txitimwi kwako!” Se votshe va ka Israyeli va to va balisela ngu marigwi, va txi va hisa ngu mndilo.

Levhi 21:9

Ngako mwanana wa dihorana wa mphaxeli a txi ti nyenyezisa ngu kumaha wungango, a thela tingana tate wakwe, a fanete kuhiswa ha mndiloni.