Levhi 20:13 - Bhiblia Yo Sawuleka

¹³ Ngako wamwamna wokari a txi otela ni mwamna kulowe, ngu wumbidi wawe va mahile to biha; ngu ditshuri va na dawa. Mnoha wawe wu na wela txitimwi kwawe.

Levhi 20:13 Referans Kwoze

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

Levhi 18:22

Ni wuhi wamwamna a nga thuke a txi otela ni mwamna kulowe, a txi mmha wamsikati, i mhaka yo yila!

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

Dhewuteronome 23:17

Kha ku na mbi va ni wugango hagari ka mahorana a ka Israyeli; hambi ku va ni Vasidhoni, hagari ka vanana va ka Israyeli.

Genesisi 19:5

Se va to dhana Loti, va txi kha vona: “Va hani vathu vava va nga wulela m'tini kwako wusiku wuwa kani? Va tise kwathu hi lava kuotela navo.”

Valamuli 19:22

Nga ti va di ha kutsakani timbiluni kwawe, wona taku ku to humelela migewu ya didhoropani (vavamna va i nga ti ti vanana va Bheliyali), yi randela nyumba, yi txi peketela ditimba; yi txi womba ka txikosana txile txa nyamne wa nyumba, yi txi kha yona: “Humisa hahanze m'thuyo a nga wulela nyumbanimo kwako, kasiku hi ta m'ziva.”

Dhewuteronome 23:18

U nga tise hakhelo ya wugango, mwendo mtengo wo dihelwa yimbwa, Nyumbani ka Mkoma, Txizimu txako, ngu kuxambanya kokari; nguko ngu wumbidi wa sona, nzinyenyeko ka Mkoma, Txizimu txako.