Levhi 20:12 - Bhiblia Yo Sawuleka

¹² Kufana ni toneto, ngako m'thu wa wamwamna a txi otela ni maane wakwe, ngu ditshuri vona ngu wumbidi wawe va na tsayiswa ngu kufa; nguko va mahetete tingana ta hombe, va fanete kudawa; mnoha wawe wu na va txitiwmi kwawe.

Levhi 20:12 Referans Kwoze

Levhi 18:15

U nga thuke u otela ni mamanyani wako, nguko msikati wa mwanana wako. U nga vhunungule wumbwiri wakwe.

Levhi 18:23

U nga thuke u txi otela ni txihari; nguko ngu ti nyenyezisa; wamsikati nene a nga ti ningele ka txihari, kasi ku e otela natxo, nguko ti bihile.

Genesisi 38:18

Sekoko ene a to muwotisa, a txi khene: “Njixambanyo muni ni no kuninga, kani?” Tamari a to khene: “Ni ninge ringi yako, liketani lako, ni ndonga eyo u ku nayo manzani kwako.” Ene a to mninga soneso, se a txi ya otela nayo; Tamari a to mana txirumbu.

Dhewuteronome 27:23

“Dikhombo di nave ka wule a otelako ni mkokati wakwe!” Vathu votshe va na womba va txi kha vona: “Amen!”

Genesisi 38:16

A to ya hafuhi kwakwe eya khene: “Ngono ni ta wulela kwako, na ku kombela.” Nguko a ti si ti zivi ti to ngene maane wakwe. Aniko Tamari a ti khene: “Ngako u txi otela ni nani, u na ni ninga txani, kani?”

Eksodha 22:2

Ngako dikhamba di txi manwa di txi gwanda ditimba di txi pa, se di txi baliswa di txi fa, awule a ngadi daya kha na mbi va ni mnandu wa kutheketa mnoha.