Levhi 20:11 - Bhiblia Yo Sawuleka

¹¹ Ngako wamwamna wokari a txi otela ni msikati wa tate wakwe, a zivile ngu wumbwiri wa tate wakwe; ngu ditshuri ngu wumbidi wawe va fanete kutsayiswa ngu kudawa; mnoha wawe wu na wa txitimwi kwawe.

Levhi 20:11 Referans Kwoze

Dhewuteronome 27:23

“Dikhombo di nave ka wule a otelako ni mkokati wakwe!” Vathu votshe va na womba va txi kha vona: “Amen!”

Dhewuteronome 27:20

“Dikhombo di nave ka wule a otelako ni msikati wa tate wakwe, nguko wa vhunungula didhamba da tate wakwe!” Vathu votshe va na womba va txi kha vona: “Amen!”

1 Vakorinto 5:1

Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe.

Amosi 2:7

Va tsaka ngutu ngu kukandetela sisiwana hahatshi, va gombonyekisa tindzila ta va vo lulama; dijaha ni tate va wulelete dihorana dimwedo, kuve nyamisa ditina dangu.

Dhewuteronome 22:30

Ni wammweyo wamwamna, kha na mbi teka msikati wa tate wakwe, nguko eto ti nava i di tingana ka tate wakwe.

Levhi 18:6

Ni wammweyo wamwamna a nga thuke e otela ni wamsikati wu i ku mnoha wumwewo nayo, a txi tumbula wumbwiri wakwe. Ani ngani Mkoma!