Levhi 2:3 - Bhiblia Yo Sawuleka

³ Asi si salako ka mningelo wa sakudya, nza Aroni ni vanana vakwe, asiya nzilo sa kusawuleka ngutu, si nga sala ka mhamba yo mahelwa Mkoma.

Levhi 2:3 Referans Kwoze

Mitengo 18:9

Hagari ka siya si so sawuleka ngutu kuleka ngu si so maha ngu kuhiswa; asi i ku sako ngu siya: Miningelo yawe yotshe, miningelo ya sakudya, ni miphaxo; yotshe ya kuonha, ni miphaxo yotshe ya minandu, ayi va no maha midiho kwangu; sotshe asi so sawuleka ngutu nzako, ni vanana vako.

Levhi 21:22

Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu.

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

Levhi 7:9

Ngu toneto, mhamba ya sakudya so bhikelwa ha txikho, mwendo mu ka khadi mwendo mu ka dipani, si na va si txi lumba mphaxeli wu a nga maha mningelo.

Levhi 6:26

Mphaxeli wule a no wu mingela ngu mhaka ya txionho, a na dya; wu na dyelwa ha wukhaloni ko sawuleka, ha mtendelani ka ditenda da msengeletano.

Levhi 2:10

Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.

Eksodha 29:37

Amu ka masiku a mtxhanu ni mambidi u na maha mhamba ya kubasisa txiluvelo u txi sawulekisa; se nga toneto txiluvelo txi na va txi di sawulekile, ni sotshe sile ni gwesako txiluvelo si na va si txi sawulekiswa.

Levhi 5:13

Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Ezra 2:63

Se mfumeli kha va tumela ti to vedya sile so sawuleka, kala kuza kumaneka mphaxeli a di ni Urime ni Tumime.

Levhi 6:9

Laya Aroni ni vanana vakwe u txi khawe: Mlayo wa mningelo wo hiswa ngu wuwa: Mningelo wu na hiswa ha txiluveloni wotshe wusiku kala ni mixo, se wu na turiswa ngu mndilo ha txiluveloni.

Levhi 7:7

Mphaxo wa mhamba ya kudihela mnandu, ni mphaxo wa mhamba ya kudivalela txionho, wa fana mlayo wa kona: Nyama ya kona nja mphaxeli wu a nga maha mhamba yo dihela.

Levhi 10:15

Va ka Israyeli va na tisa khana ni mnenge wa txihari, asi si nga mahwa mningelo wa mhamba ya mpatano, kumweko ni mafura, kuve si mahwa mningelo wo ndiwitela, masoni ka Mkoma, etxo njiavelo txi txi lumbako awe ni vanana vako, kala kupinduka, madingano ni ti Mkoma a nga rumisa tona.

Levhi 14:13

Ngu msana, a na wila thamo ya txinvhutana ha wukhaloni hale kudayelwako kona sihari sa mningelo wa mhamba yo kuwula sionho, ni mningelo wa mhamba yo hiswa, ha wukhaloni ko sawuleka; nguko mningelo wa mhamba ya minandu, ni mningelo wa mhamba ya txionho, simaha sa kona si lumba mphaxeli, si sawulekile ngutu.

Ezekhiyele 44:29

Se miningelo ya sakudya, ni mningelo wa kudivalela txionho, ni mningelo ngu mhaka ya mnandu, va na dya; sotshe so sawuleka kona Israyeli i nava sawe.

Ezekhiyele 46:20

Se ene a to khene kwangu: Awuwa mbukhalo wu vaphaxeli va no bhikela ka wona mphaxo wa kuthavisa sionho mwendo minandu, kambe va na yoka kona mningelo wa sakudya, kasi ku va si wu tisi ka mtendela wa hahanze, kasi ku ta phaxela vathu.