Levhi 2:2 - Bhiblia Yo Sawuleka

² A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Levhi 2:2 Referans Kwoze

Levhi 6:15

Se a na tata dianza ngu mpupu wa wunene wa mningelo, ni mtona wa kona, ni dotshe dibaselo di di ku txitimwi ka mningelo wa sakudya; sekoko e wu hisa ha txiluveloni; ewo mbwo bhumula, ngu ku va i di wa txialakanyiso ka Mkoma.

Levhi 5:12

Se a na tisa mpupu ka mphaxeli awu a no wela dianza do tala, e wu hisa ha txiluveloni, wu txi maha txialakanyiso ka Mkoma; mningelo wa kuthavisa txionho.

Mithumo 10:4

Ene ngako a di yi woni a to dhuka ngu kuthava, a txi khene: “Nji txani txi kuho, kani Mkoma kani?” Ngelozi yi txi kwakwe: “Mikombelo yako ni wuha wako si hokile ka Txizimu, se txona txi ku alakanyile.

Levhi 24:7

Ngu txitimwi ka litxhatxha ni litxhatxha, u na veka dibaselo do sawuleka, di na va da mapawu a mningelo wo hiswa, masoni ka Mkoma, ma txi maha txialakanyiso txa kwa mbi gwita.

Levhi 2:9

Se mphaxeli a na hungula ka wona didhawa di i ku da txialakanyiso, kasi ku e wu hisa aha ka txiluvelo. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Levhi 2:16

Ngu kumaha keto, mphaxeli a na hisa txialakanyiso ngu tindoho takwe to sinzwa, ni mtona, ni dotshe dibaselo da kona; ewo mningelo, wo hiswa ka Mkoma.

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

Nehemiya 13:14

(Ngu mhaka ya tiya, awe Txizimu txangu, ni alakanye, u nga pfhite mithumo ya lirando yi ni nga yi maha Nyumbani ka Txizimu ni ka vawoneleli va yona.)

Mitengo 5:18

Sekoko mphaxeli a na yisa wamsikati masoni ka Mkoma, e vhunungula msungo e sala ngu timbobo, e veka manzani kwakwe mningelo wa txialakanyiso, awu i ku mningelo wa txiluse, mphaxeli, manzani kwakwe, ku nava ni mati o bava, a txiruko.

Eksodha 30:16

Se u na teka male ya kudivalelwa ka vanana va ka Israyeli, u yi ningela ka mthumo wa ditenda da msengeletano; kambe txi na va txialakanyiso txa vanana va ka Israyeli masoni ka Mkoma, kasi kuhulukisa wutomi wanu.”

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 5:11

Aniko, a txi tandeka kumana matuva mambidi, mwendo mavhondo mambidi a situvani, a nga sikota kumaha mhamba yo basisa txionho txi a nga tximaha, ngu mune wa makilu a mpupu wa wunene. Aniko a nga thuke e thela mtona txitimwi ka wona, hambi ku wu vekela dibaselo, nguko mhamba yiya, nja txionho.

Mitengo 5:26

Kambe mphaxeli a na wela mpupu ngu manza akwe, wa mningelo wa txialakanyiso e hisa ha txiluveloni, se e seta wu wamsikati.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

Levhi 1:17

txinyana txiya, a na txi bhanda ngu hagari ka mabhapi, aniko asi txi tshaputi; se mphaxeli a na txi hisa txiluveloni, txitimwi ka tikhuni ti ti ku ha mndiloni; i mhamba yo hiswa, mningelo wo fanela kuhiswa, wa kubhumula ko tsakisa Mkoma.