Levhi 2:13 - Bhiblia Yo Sawuleka

¹³ Se u fanete u txi lunga ngu mnyu, yotshe miningelo ya sa sakudya; kambe ku nga pwateke mnyu ka sakudya sa sako sa mningelo, wa txitumelelano txa Txizimu txako; Lunga ngu mnyu yotshe miningelo yako ya sakudya.

Levhi 2:13 Referans Kwoze

Ezekhiyele 43:24

U na si ningela masoni ka Mkoma; se vaphaxeli va theletela mnyu txitimwi ka sona, va txi si maha mningelo wo hiswa, ka Mkoma.

Matewu 5:13

“Anu mi m'nyu ka vathu. Ngako m'nyu wu txi guma mtamo, wu na lungwa wona ngu txani kani? Kha wu vhuni txilo kambe, hahanze ka kutheketwa kule, kasi wu na kandetelwa ngu vathu.”

Vakolosa 4:6

Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.

2 Makronika 13:5

Kha mi tizivi ti to Mkoma Txizimu txa Israyeli txi ningite wukoma wa va ka Israyeli ka Dhavhidha ni ka vanana vakwe, ngu txitumelelano txa m'nyu kani?

Mitengo 18:19

Yotshe miningelo ayi vanana va ka Israyeli va no ninga Mkoma, ya simaha so sawuleka si nota ningelwa kwako, kumweko ni ka vanana vako, va mazambi ni vamahorana, awuwa wu na va mlayo wa yotshe mbimo. Nguko atxiya, njitumelelano txa kala kupinduka, txa mnyu masoni ka Mkoma, a txi txi no maha txako ni ka liveleko lako.

Ezra 7:22

Kala dizana wa titalenta, 100 wa tipimo ta fulaho, 100 wa mifarasa ya vhinya, ni 100 wa mifarasa ya mtona, ni mnyu wawungi.

Eksodha 30:35

Ngu sona siya u na maha ngu sona dibaselo ni mafura o bhumula o pataniselwa, nga ti nyasingeme a mahako. Mafura o lungwa, o basa ni kusawuleka;