Levhi 2:12 - Bhiblia Yo Sawuleka

¹² Eso ma sikota kumaha ngu sona mningelo ka Mkoma, i ku txialakanyiso txa mihando yo khata; aniko, mi nga si hiseni txitimwi ka txiluvelo, ku nga mningelo wo bhumula wo tsakisa Mkoma.

Levhi 2:12 Referans Kwoze

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

2 Makronika 31:5

Msana ka kuva txiziviso txi di zivilwe ngu vanana va ka Israyeli va to tisa fulaho yayingi yo khata, ni vhinya ya yiphya, ni mtona ni wulombe ni simwani ngu kutala ka sona sa thembweni ve ningela ni sa wugumi wa simaha sotshe si va nga funyela tithembweni kwawe.

Dhewuteronome 26:10

Se wona taku, ni tisile mihando yo khata ya mafu awa u nga ni ninga, awe Mkoma.” Sekoko u na yi veka masoni ka Mkoma, Txizimu txako, kambe u na khizama masoni ka Mkoma Txizimu txako.

Mitengo 15:20

Ka sile so khata kuelulwa, mi na ningela txibhubhutela txo ndiwitelwa; kumweko ni mningelo wa wuhuleloni, mi na ningela tona eto.

Levhi 23:10

Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Levhi 7:13

Hahanze ka toneto, ku fanete kumahwa mningelo wa mapawu o tshumbelwa, kasi kumaha mningelo wa mhamba ya kubonga.

Eksodha 22:29

U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Genesisi 23:17

Ngu toneto, thembwe ya Efroni, yi nga ti ti Makipela, masoni ka Mambre, thembwe ni diphala di di kuho ka yona, ni yotshe mindonga yi yi nga ti ti ho, mndani ka mihingano ya kona

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

Eksodha 34:22

U na vekisa kambe m'buso wa mavhiki, amu ka mbimo ya silo so khata mu kuelulani ka fulaho, ni m'buso wa kuelula ngu magwito ka dilembe.

Levhi 23:17

Mi na tisa ngu mitini kwanu, mapawu mambidi, o mahwa ngu mipimo yimbidi ya wugumi, a mpupu wa wunene, o bhikwa ni mtshumbelo, aale ma nga mahelwa kuve mandiwitelwa; ngu yona mihando yo khata yo mahelwa Mkoma.

Mitengo 18:12

Wotshe mtona wa wunene, ni vhinya yotshe ya yiphya, kumweko ni fulaho, ni sotshe si ku sa sinene, si lumbako mningelo wa Mkoma, ni si ningile kwako.