Levhi 2:10 - Bhiblia Yo Sawuleka

¹⁰ Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.

Levhi 2:10 Referans Kwoze

Levhi 2:3

Asi si salako ka mningelo wa sakudya, nza Aroni ni vanana vakwe, asiya nzilo sa kusawuleka ngutu, si nga sala ka mhamba yo mahelwa Mkoma.

Levhi 6:16

Se wule wu salako va na dya, Aroni ni vanana vakwe; sa kwa mbi tshumbela si na dyelwa wukhaloni ko sawuleka; si txi dyelwa mtendelani ka ditenda da msengeletano.

Ezra 2:63

Se mfumeli kha va tumela ti to vedya sile so sawuleka, kala kuza kumaneka mphaxeli a di ni Urime ni Tumime.

Levhi 5:13

Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Levhi 6:9

Laya Aroni ni vanana vakwe u txi khawe: Mlayo wa mningelo wo hiswa ngu wuwa: Mningelo wu na hiswa ha txiluveloni wotshe wusiku kala ni mixo, se wu na turiswa ngu mndilo ha txiluveloni.

Levhi 6:23

Ngu kumaha keto, wotshe mningelo wa mphaxeli wu na hiswa; kha wu na mbi dyiwa.

Levhi 7:7

Mphaxo wa mhamba ya kudihela mnandu, ni mphaxo wa mhamba ya kudivalela txionho, wa fana mlayo wa kona: Nyama ya kona nja mphaxeli wu a nga maha mhamba yo dihela.

Levhi 10:12

Se Mosi a gete Aroni ni vanana va va nga sala, Eleyazari ni Itamari a txi khene: Tekani si si nga sala, sakudya, ka mningelo wo hiselwa Mkoma, mi na si dya si sa tshumbelwa, hafuhi ka txiluvelo, nguko nzimaha so sawuleka.

Levhi 14:13

Ngu msana, a na wila thamo ya txinvhutana ha wukhaloni hale kudayelwako kona sihari sa mningelo wa mhamba yo kuwula sionho, ni mningelo wa mhamba yo hiswa, ha wukhaloni ko sawuleka; nguko mningelo wa mhamba ya minandu, ni mningelo wa mhamba ya txionho, simaha sa kona si lumba mphaxeli, si sawulekile ngutu.

Levhi 21:22

Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu.

Mitengo 18:9

Hagari ka siya si so sawuleka ngutu kuleka ngu si so maha ngu kuhiswa; asi i ku sako ngu siya: Miningelo yawe yotshe, miningelo ya sakudya, ni miphaxo; yotshe ya kuonha, ni miphaxo yotshe ya minandu, ayi va no maha midiho kwangu; sotshe asi so sawuleka ngutu nzako, ni vanana vako.

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

2 Makronika 31:14

Ni Kora, mwana Imina, Mulevhi, muwoneleli wa txike txa didhawa da wutxani, i ti ti mxayisi wa miningelo ya kuranda kwawe, ayi yi ningelwako ka Txizimu, ni mphakeli wa miningelo yo sawuleka ya Mkoma ni simaha so sawuleka ngutu.

Ezekhiyele 44:29

Se miningelo ya sakudya, ni mningelo wa kudivalela txionho, ni mningelo ngu mhaka ya mnandu, va na dya; sotshe so sawuleka kona Israyeli i nava sawe.

Ezekhiyele 46:20

Se ene a to khene kwangu: Awuwa mbukhalo wu vaphaxeli va no bhikela ka wona mphaxo wa kuthavisa sionho mwendo minandu, kambe va na yoka kona mningelo wa sakudya, kasi ku va si wu tisi ka mtendela wa hahanze, kasi ku ta phaxela vathu.