Levhi 19:9 - Bhiblia Yo Sawuleka

⁹ Ngako mi txi elula timbewu tithembweni kwanu, mi nga eluleni kala kotshe magwito ka thembwe, kambe mi nga yeni mi txi ya roletela vanyamtshodwe, msana ka kuva mi di gwitile kuelula siyalo.

Levhi 19:9 Referans Kwoze

Levhi 23:22

Ngako mi txi elula tithembweni kwanu, mi nga funyeleni kala magwito ka thembwe, kambe mi nga yeni mi txi ya roletela asi si nga saletela, msana ka kuelul; mi na siyela sisiwana ni vapfhumba va va nga mi wuyela. Ani ngani Mkoma, Txizimu txanu!

Rute 2:15

Se mbimo yi a nga khukha a txi lavetela, Bhowazi a to leleta ka majaha akwe, a txi khene: “Mlekeni a txi lavetela ni mu ka tinyanda, kambe mi nga mkaratiseleni.

Rute 2:2

Se Rute wa Mowabhi, a to womba ka Nowemi a txi khene: Ni tumelele ku ni txi ya thembweni kuya lavetela sitxatxa, msana ka wule a no ya ni siza a txi ni amukela. Se masale wakwe a to mxamula a txi khene: “Tsula mwanangu.”

Levhi 23:10

Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Levhi 23:29

Awule, ka ditshiku donedo, a no va asi xaniseki ngu sionho sakwe, a na fuviswa hagari ka va ka kwawe,

Levhi 19:8

Awule a yi dyako a na rwala mnandu, nguko a nyenyezisile wukhalo wo sawuleka wa Mkoma; se a na tovelwa hagari ka vathu va ka kwawe.

Levhi 19:10

U nga lavetele asi sisalako amu ka thembwe yako ya mivhinya, msana ka kuva ku di elutwe, hambi kuroletela mauvha ale ma nga tshomoka. U fanete u txi leka misalela ka sisiwana ni ka valuveli! Ani ngani Mkoma, Txizimu txako!

Rute 2:8

Sekoko Bhowazi a to khene ka Rute: Khu engisi mwanangu kani? U nge ya lavetela ka yimwani thembwe, ni ka kudotho u nga pinde hawa; aniko aha u na patana ni mahorana angu.