Levhi 19:5 - Bhiblia Yo Sawuleka

⁵ Ngako mi txi maha mningelo wa mhamba ya mpatano ka Mkoma, wu maheni ngu fanelo, kasi ku wu txi amukeleka.

Levhi 19:5 Referans Kwoze

Levhi 22:29

Ngako mi txi lava kumaha mningelo wa mhamba yo bonga ka Mkoma, mahani ngu nzila yo lulama, kasiku yi txi amukeleka.

Levhi 7:16

Se i di mhamba ya txixambanyo ngu txithembiso txokari, mwendo mhamba yo mahwa ngu kuranda ka m'thu dwe, nyama yi na dyiwa ka donedo ditshiku; ayi yi no sala yi nata dyiwa mangwanani ka kona.

Levhi 22:19

kasiku mhamba yi txi amukelwa, a fanete kuningela txifuyo txa matune, txo mbi limala, txa mu ka mtxhambi wa tihomu, mwendo wa tinvuta, mwendo wa tiphongo.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Ezekhiyele 46:12

Se ngako mthangeli a txi maha mningelo wa kuhiswa, ni mphaxo wa kuthutha, ngu kutilava kwakwe ka Mkoma, sekoko va na mtulela ditimba do rendekela wutxani, se a na maha mningelo wakwe wo hiswa, ni miphaxo yakwe ya kudikha, nga tile a no va a di mahile ngu ditshiku da Sabbata; a na huma, ku txi sekwa ditimba, na a di humile.

Ezekhiyele 46:2

Mthangeli a na wulela ngu nzila ya m'hubhe wa txikenini, ngu hahanze, a na simama hafuhi ni msasimo wa ditimba; se vaphaxeli va na lulamisela mningelo wa kuhiswa, ni miphaxo ya kona ya kudikha, kambe ene a na nama ha msasimoni, a txi huma; aniko txike kha txi na mbi sekwa kala minova.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

Levhi 22:23

Kambe homu mwendo txifuyo txatxidotho, txo lapha mwendo txo koma, wa sikota ku txi maha mningelo ngu kuranda kwako, aniko ngu kuxambanya kha wu na mbi tumeleka.

Levhi 22:21

Awule a lavako kumaha mningelo ka Mkoma, wa mhamba ya kuthutha, ngu txifuyo txa hombe mwendo txa txidotho, kasi kutatisa txithembiso txakwe, mwendo mhamba ya kuranda kwakwe, a fanete kuningela txifuyo txo hetiseka, txo mbi na wulima.

Eksodha 24:5

Ngu msana a to ruma mazambi okari a vanana va ka Israyeli, kasiku va txi maha miningelo yo hiswa, va txi maha miphaxo ka Mkoma ngu kudaya marole va txi dhumisa Mkoma.

Levhi 19:4

Mi nga tshumeleleni ka sithombe, kambe mi nga ti maheleni sizimu sa tisimbi: Ani ngani Mkoma, Txizimu txanu!

Levhi 19:6

Mi fanete kudya mhambeyo, ka ditshiku dile mi phaxako ngu dona, mwendo ka ditshiku da mangwanani ka kona, asi sisalako kala ka ditshiku da wuraru, si fanete si txi hiswa ha mndiloni.

Levhi 7:18

Nguko m'thu a txi dya nyama ya mhamba ya mpatano, ayi yi no sala, ka ditshiku da wuraru, mhamba yoneyo kha yi na mbi amukelwa ngu Txizimu, yi na va i si nga yo vhuna txilo; i nyama yo onheka, ni wule a nga yi dya a na rwala mnandu wa kona.