Levhi 19:4 - Bhiblia Yo Sawuleka

⁴ Mi nga tshumeleleni ka sithombe, kambe mi nga ti maheleni sizimu sa tisimbi: Ani ngani Mkoma, Txizimu txanu!

Levhi 19:4 Referans Kwoze

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Eksodha 34:17

U nga timahele sizimu so tshulwa.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

1 Johani 5:21

Sivananananu, tshuralelani sizimu sa walo! Amen!

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

1 Vakorinto 10:14

Ngu toneto, vo randeka ngutu, thavani kukhozela sizimu sa walo.

Masalmo 96:5

Sotshe sizimu sa vamatiko kha si vhuni txilo; Mkoma ngene a nga va nga tinzuma.

Eksodha 32:4

ene a to amukela singeda sa nzalama ngu manzani kwawe, e ti veka mu ka txikadyana, e ti nyivilikisa, se a txi maha ngu tona txithombe txa dirole. Sekoko va to kha vona: “Asiya ngu sona sizimu sako, awe Israyeli, asile si nga kuhumisa ditikoni ka Egipta!”

Hagayi 2:18

Sekoko vekani, ani na mi khongotela, kukhukhela ka diya ditshiku ni kuya masoni, kukhukhela ka ditshiku da magumi mambidi ni mune ka mtxima wa wutxhanu ni mune, kukhukhela ka ditshiku di ku nga khatwa kuakwa Dithepele da Mkoma, vekani timbilu tanu ka timhaka tiya.

Levhi 19:5

Ngako mi txi maha mningelo wa mhamba ya mpatano ka Mkoma, wu maheni ngu fanelo, kasi ku wu txi amukeleka.

1 Makronika 16:26

Nguko sotshe sizimu sa ha mafuni kha si vhuni txilo; kambe Mkoma a vangile nzuma.

Levhi 11:44

Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Dhewuteronome 4:16

mi nga ti bihiseni, ngu ku ti mahela txifananiso txo wumbwa, txo nga txithombe, txifananiso txa m'thu wa wamwamna mwendo txa wamsikati,

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

1 Vafumeli 14:9

ziva ti to u mahile kubiha kupinda votshe vale vo khata, u tsute uya ti mahela simwani sizimu, ni sifananiso so nyekiswa, u txi ni wusela kuhenya, u ni tshotsha msana kwako,

2 Makronika 28:2

Nguko a tsimbite ngu tinzila ta vafumeli va ka Israyeli, hahanze keto, a to vata sithombe sa va ka bahali.