Levhi 19:37 - Bhiblia Yo Sawuleka

³⁷ Mi na vekisa sotshe sileleto sangu, ni kulondisa yotshe milayo yangu: Ani ngani Mkoma!

Levhi 19:37 Referans Kwoze

Dhewuteronome 8:1

Mi na vekisa sotshe sirumo si nyamsi ni mi leletako, kasi ku mi txi si xayisa, ti to mi na hanya mi txi anda, mi txi wulela mi fuma ditiko di Mkoma, a nga thembisa ngu txixambanyo ka vatate vanu.

Dhewuteronome 5:1

Se Mosi a to dhana votshe va ka Israyeli a txi ta va gela ku khene: “Engisa, awe Israyeli, milayo ni sileleto si nyamsi ni huwelelako tinzeveni kwanu. Si gondeni, mi si xayisa ni ku si vekisa.”

Masalmo 119:34

Ni ninge mapimo, kasiku ni xayisa mlayo wako; ni na wu vekisa ngu yotshe mbilu yangu.

Masalmo 119:4

Mkoma, awe u hi ningile milayo yako, u txi hi gela ti to hi yi xayisa ngu yotshe mbilu.

Levhi 19:36

Mi nava ni sikalo sa sinene, ni marigwi amanene, efa ya yinene, ni hini ya yinene. Ani ngani Mkoma, Txizimu txanu, ni nga mi humisa ditikoni ka Egipta!

Levhi 20:1

Mkoma a wombile kambe ka Mosi, a txi khene:

Levhi 22:31

Vekisani sirumo sangu mi si xayisa: Ani ngani Mkoma!

Levhi 19:19

U na vekisa sileleto sangu; u nga leke txifuyo txako txi kandwa ngu txifuyo txa limwani lixaka; u nga phaye thembweni kwako mixowo yimbidi yo hambana ya timbewu, kambe u nga ambale nguwo yo lukwa ngu mixowo yimbidi yo hambana.

2 Vafumeli 17:37

Se sileleto ni sirumo ni silayelo ni milayo yile a nga mi bhalela, mi na khatalela ku yi emela otshe masiku; kha mi na mbi thava simwani sizimu.