Levhi 19:36 - Bhiblia Yo Sawuleka

³⁶ Mi nava ni sikalo sa sinene, ni marigwi amanene, efa ya yinene, ni hini ya yinene. Ani ngani Mkoma, Txizimu txanu, ni nga mi humisa ditikoni ka Egipta!

Levhi 19:36 Referans Kwoze

Mavingu 11:1

Txikalo txo dyelela wa txi venga Mkoma, aniko mpimo wo lulama wa mtsakisa.

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Mavingu 20:10

Tipimo timbidi to hambana, ni mipimo yimbidi yo hambana, nzinyenyeko ka Mkoma, tximwetxo ni tximwetxo ka sona.

Levhi 19:37

Mi na vekisa sotshe sileleto sangu, ni kulondisa yotshe milayo yangu: Ani ngani Mkoma!

1 Makronika 23:29

i ku wuwa: Kuxayisa mapawu a miphaxo, ni mpupu wo tshura, ni mningelo wa sakudya, ni tximbwanda txa kwa mbi tshumbelwa, ni so katingwa, ni so yokwa, ni yotshe mipimo yo pima kutala ni wuhombe;

Ezekhiyele 45:10

Mi nava ni sikalo so lulama, efa yo lulama, ni bhato yo lulama.

Mika 6:11

Ina ani ni nga huluka ni sikalo so kanganyisa kani? Ni disaka da mipimo ya wudyeleli kani?

Zakariya 5:6

Ani ni to khani: Njitxani txiya kani? Se ngelozi yi to kha yona: Eyo i efa yi humako. Yi to kha yona kambe: Aawa mazumbelo a votshe va ku ha mafuni.

Levhi 11:45

Kha ditshuri, ani ngani Mkoma, ni nga mi humisa ditikoni ka Egipta, kasi ku ni txi va ni di Txizimu txanu. Ngu toneto, mahani vo sawuleka. Nguko ani ni sawulekile.

Mavingu 16:11

Lipimo la linene ni txikalo txo lulama nza Mkoma; otshe marigwi a kona ma mahilwe ngu ngene.