Levhi 19:35 - Bhiblia Yo Sawuleka

³⁵ Mi nga maheni wukanganyisi kulamulani kwanu, hambi ka mpimo wo nemela ni wa kulapha ka simaha!

Levhi 19:35 Referans Kwoze

Dhewuteronome 25:15

U fanete ku va ni mpimo wumwewo wo nemela wa kuhetiseka ni kululama, ni mpimo wumwewo wa efa, wa kuhetiseka ni kululama, kasi ku masiku ako ma txi anda amuwa ka ditiko di Mkoma, Txizimu txako, a no ku ninga.

Dhewuteronome 25:13

U nga ve ni mipimo yimbidi yo hambana, amu mkwamani kwako, wumwewo wo nemela ni wumwani wo hehuka.

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Mika 6:1

Engisani konkuwa ti a wombako Mkoma: Khukha, ulwa ni mimango, se simangwana si na engisa dipwsi dako.

Mavingu 20:10

Tipimo timbidi to hambana, ni mipimo yimbidi yo hambana, nzinyenyeko ka Mkoma, tximwetxo ni tximwetxo ka sona.

Mavingu 16:11

Lipimo la linene ni txikalo txo lulama nza Mkoma; otshe marigwi a kona ma mahilwe ngu ngene.

Mavingu 11:1

Txikalo txo dyelela wa txi venga Mkoma, aniko mpimo wo lulama wa mtsakisa.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

1 Makronika 23:29

i ku wuwa: Kuxayisa mapawu a miphaxo, ni mpupu wo tshura, ni mningelo wa sakudya, ni tximbwanda txa kwa mbi tshumbelwa, ni so katingwa, ni so yokwa, ni yotshe mipimo yo pima kutala ni wuhombe;

Ezekhiyele 45:10

Mi nava ni sikalo so lulama, efa yo lulama, ni bhato yo lulama.