Levhi 19:3 - Bhiblia Yo Sawuleka

³ Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Levhi 19:3 Referans Kwoze

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

Eksodha 20:8

Alakanya ditshiku da Sabbata, u txi di sawulekisa.

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Levhi 11:44

Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Mavingu 23:22

Engisa tate wako wule a nga kuveleka, kambe u nga txhipise mwamwako mbimo yile a no kumba.

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Eksodha 21:17

Awule a ruketelako tate wakwe mwendo mame wakwe, a na dawa.

Eksodha 21:15

Awule a pekako tate wakwe mwendo mame wakwe, a na dawa.

Eksodha 16:29

Pimisani ti to Mkoma a mi ningile Sabbata, ditshiku do humula; ngu mhaka yeto, ka ditshiku da wutxhanu ni dimwedo, wa mi rumela sakudya sa masiku mambidi. Ka ditshiku da wutxhanu ni mambidi, mmwani ni mmwani a na zumbe mu ditendani kwakwe asi humi hahanze ka dona.”

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Ezekhiyele 20:12

Kambe ni va ningile Masabbata angu, kasi ku ma txi maha txikombiso hagari kwangu navo, va na tiziva taku ani ngani Mkoma, ni va sawulekisako.

Levhi 26:2

Mi na xayisa Masabbata yangu, miva ni txithavo ni nyumba yangu yo sawuleka. Ani ngani Mkoma!

Mavingu 1:8

Mwanangu, engisa gondo ya tate wako, kambe u nga leke sileleto sa mwamwako.

Levhi 19:30

Vekisani Masabbata yangu, mi va ni txithavo ka nyumba yangu yo sawuleka: Ani ngani Mkoma!

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

Genesisi 48:12

Sekoko Josefa a to va thavisa ha mathumbini ka tate wakwe, a txi khizama masoni kwakwe ni kutinamisa hahatshi.

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Levhi 19:31

Mi nga yeni ka vanyamsoro, hambi ka vanyatixolo, mi nga thuke mi txi ya ka vona, nguko mi nga ti nyenyezisa: Ani ngani Mkoma, Txizimu txanu.

Levhi 19:34

Mluveli wule a zumbako ni nanu a na va a txi xayiswa ku nga mmweyo wa va ka kwanu, u na mranda nga ti u ti randisako tona awe upune, nguko nanu mi ti valuveli ditikoni ka Egipta: Ani ngani Mkoma, Txizimu txanu!

Nehemiya 9:14

Se u va zivisile Sabbata yako yo sawuleka; ni sirumo, ni sileleto, ni mlayo u va ningile ngu dianza da txithumi txako Mosi.