Levhi 19:26 - Bhiblia Yo Sawuleka

²⁶ Kha mi na mbi dya nyama yi yi ku ni mnoha; kha mi na mbi wotisa ka nyamsoro, kambe kha mi na mbi xaxuva ka nyatixolo!

Levhi 19:26 Referans Kwoze

2 Vafumeli 17:17

Kambe va to phindisa ngu ha ka mndilo vanana vawe vavafana ni vamahorana, ve ti ningetetela amu ko xaxuva, ni kudhunda wuñanga, va txi ti xavisa, ngu kumaha tile i ku to biha masoni ka Mkoma, kasi ku mu wusela txiviti.

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

2 Vafumeli 21:6

A zile e hisa mwanana wakwe ha mndiloni, i ti ti wa txiñangañanga, a txi xaxuva ngu marefu, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku muwusela kuhenya.

Dhewuteronome 12:23

Kambe ti wonele, u si dyi mnoha, nguko mnoha mbutomi. Ngu toneto, u nga dye wutomi ni nyama.

Levhi 7:26

Hambi ni hani amu mi manekako mi di kona, mi nga dyeni mnoha, hambi wa txihari mwendo txinyana.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Jeremiya 10:2

Mkoma a khene: Mi nga gondeni mahanyelo a vamatiko, mi nga thavisweni ngu sikombiso sa nzumani, nguko vamatiko va thaviswa ngu sona.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Dhaniyeli 2:10

Vakaldheya va to xamula masoni ka mfumeli, va txi kha vona: Kha ngaho ni wammweyo ha mafuni, a nga sikotako kutxhamusela timhaka ta mfumeli; nguko kha ku ngani mfumeli ni wammweyo, nyamne mwendo mkhozisi, wolava to nga eto ka txhari yokari, tiñanga mwendo Vakaldheya.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

Eksodha 8:7

Sekoko titxhari ta ditiko da Egipta, ngu wutxhari wa tona, ti to humisa makhele ma txi hangalaka txitimwi ka dotshe ditiko da Egipta.

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

Genesisi 44:5

“Mi pite digombe da nyamne wangu, adi a selako ngu dona ni kuhuta ngu dona, anu mi mahile tawalo ngutu!”

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Dhewuteronome 12:16

Kambe mnoha mi nga dyeni, wu theketeni ha mafuni ku nga mo theketa mati.

Dhewuteronome 15:23

Mnoha wa kona dwe u nga dye; wu thekete ha mafuni nga mati.

1 Samuwele 14:32

Sekoko vathu va to tutumela kuya handa, ve teka tinvuta, ni tihomu, ni marole, se ve si daya hahatshi, ve dya ni mnoha wa sona.

1 Samuwele 14:33

Se va to zivisa Sawule va txi kha vona: Wona taku vathu va onhela Mkoma, ngu kudya nyama ni mnoha wa yona. Se ene a to khene: Mi onhile ngutu; wumbulutani dirigwi da hombe nyamsi di ta hawa kwangu.