Levhi 19:19 - Bhiblia Yo Sawuleka

¹⁹ U na vekisa sileleto sangu; u nga leke txifuyo txako txi kandwa ngu txifuyo txa limwani lixaka; u nga phaye thembweni kwako mixowo yimbidi yo hambana ya timbewu, kambe u nga ambale nguwo yo lukwa ngu mixowo yimbidi yo hambana.

Levhi 19:19 Referans Kwoze

2 Samuwele 13:29

Se vafana va Abhisalome va to maha ka Aminoni nga ti Abhisalome a nga ti va leletile tona. Sekoko votshe vanana va mfumeli va to khukha, mmweyo ni mmweyo e gadha dimula dakwe, ve tutuma.

2 Samuwele 18:9

Se Abhisalome a to tshangana ni sithumi sa Dhavhidha a di gadhile dimula; ngako dimula di di wulete ngu hahatshi ka madhavi o khwela a mkusu wa hombe, msungo wa Abhisalome wu to khwekela ka mkusu, e sala a di txikite hagari ka nzuma ni mafu; se dimula dile a nga ti gadhile di to pinda diya masoni.

Ezra 2:66

Mahantxhi akwe 736; timula takwe 245;

1 Vafumeli 1:33

Mfumeli a to khene: “Tsulani ni sithumi sa mfumeli wanu, mi txi ya gadhisa mwanana wangu Solomoni, ka dimula dangu; mi txi mkwitimisa Giyoni.”

Varoma 11:6

Kambe, ti txi tsimbila ngu kateko, hi nga ngadi kambe ngu mithumo; nguko, ngako i di ngu mithumo, kateko hi nga ngadi i di kateko.

Genesisi 36:24

Ngu vava vanana va Zibheyon: Aya ni Ana. Ana ngene awule a nga mana sisima sa mati o hisa txiwulani, mbimo yi ene a nga txi dyisa timbongola ta Zibheyon, tate wakwe.

Levhi 18:4

Mi fanete kuxayisa mithetho yangu ni milayo yangu: Ani ngani Mkoma, Txizimu txanu.

Levhi 19:37

Mi na vekisa sotshe sileleto sangu, ni kulondisa yotshe milayo yangu: Ani ngani Mkoma!

Levhi 20:8

Vekisani milayo yangu mi txi yi xayisa. Ani ngani Mkoma ni mi mahako vathu vangu vavanene.

Levhi 22:31

Vekisani sirumo sangu mi si xayisa: Ani ngani Mkoma!

Levhi 25:18

Londetani sileleto sangu, mi vekisa silayelo sangu, mi txi si xayisa ngu kuthemba, kasiku mi na hanya mi di tsani amu ditikoni.

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.

Luka 5:36

A to engeta e va gela txidinganiso, a txi khene: “Kha ku na m'thu wu a vharulako txiziva ka nguwo ya yiphya e txi rungela ka ya kale; ngako a txi mahisa eto, a na va a di vharute nguwo ya yiphya, kuve txiziva txi txa txiphya kha txi yelani ni nguwo ya kale.