Levhi 19:16 - Bhiblia Yo Sawuleka

¹⁶ U nga phaye livengo hagari ka va ka kwanu; u nga mangalele mwakelani wako, eza e mana phango. Ani ngani Mkoma!

Levhi 19:16 Referans Kwoze

Eksodha 23:1

“U nga hangalase timhaka ta makuhu; u nga tshangane ni vathu vo biha, u nga mahe wufakazi wa makuhu.

Eksodha 23:7

Ti hambukise ka mhaka ya makuhu; u nga daye m'thu wo lulama ni wamnene, nguko ani kha ni na mbi emela txigevenga.

Mavingu 20:19

M'thu wo tolovela malengo, wa humisa txihunja; ngu toneto, u nga ti patanise ni m'thu wo lalata.

Ezekhiyele 22:9

Hagari kwako ku ni vavamna va sipoyilo, kasi kutheketa mnoha; kambe va dyete txitimwi ka mimango yako, ni kumahetela wukanganyisi hagari kwako.

Jeremiya 9:4

Ti woneleni motshenu ngu mhaka ya vaakelani, mi nga thembeni vananu, nguko votshe vanathu va duketa kukanganyisa, ni mwakelani mmwani ni mmwani mbo singetana.

Jeremiya 6:28

Vona votshe vatiwuki ni va va ti tsimbako, va tsimbila-tsimbila ve lumbeta; va bangi kufana ni msuku ni txikete; votshe va bihile.

Mavingu 11:13

M'thu wa txibwebwe wa humisa txihunja, aniko awule a ku ni moya wo thembeka wa fenengeta mahungu.

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

Masalmo 15:3

awule asi lumbetiko mkwawe ngu lidimi lakwe ni wu asi mahiko to biha ka mmwani, asi bhumisiko phungo yo biha mwakelani wakwe;

Eksodha 20:16

U nga lumbete mwakelani wako ngu wufakazi wa makuhu.

Titosi 2:3

Vavasikati va masungukati ni vona va fanela kuhanya ngu nzila yi yi hanelako vathu vo sawuleka; va nga mahe valumbeti kumbe ku ti maha tikhumbi ta kusela ko pindisa;

2 Timoti 3:3

ava vo mbina lirando, vo mbina kutsetselela, valumbeti, vo mbi ti ñola, va tshofu, valala va ti i ku to lulama,

1 Timoti 3:11

Vavasikati ni vona, kulaveka i di vo ti ñola, vo thembeka ka totshe tinzila.

Matewu 27:4

a txi khene: “Ni onhile ni nga ningela mnoha wo mbi na mnandu!” Vona va to kha vona: “Ti womba txani eto kwathu kani? Eto ndako wekhelela!”

Dhewuteronome 27:25

“Dikhombo di nave ka wule a tumelako kufidhwa kasi kudaya m'thu wo mbi na mnandu!” Vathu votshe va na womba va txi kha vona: “Amen!”

Jobe 17:5

A wule ngu kutsaka a gelako vangana vakwe, vanana vakwe va na pfhupeliswa maso.

1 Samuwele 24:10

Nyamsi u ti woni upune ti to Mkoma a ku ningete manzani kwangu ka diphala diya, vamwani va ni kuzetete ti to ni kudaya; kambe ni ku divalete, nguko ni ti khani: Kha ni na mbi nawuluta diwoko dangu ni wukela nyamne wangu, nguko mbo totwa wa Mkoma.

Masalmo 50:20

U womba-womba kubiha ngu mwananu; wa bhumisa phungo ya kubiha mwanana wa mame wako!

Masalmo 101:5

Awu a lengako ni kusingeta mmwani m'thu, ni na mfuvisa ngu nyahele; kha ni na mbi timisela wa kutiguleta ni kutikukumukisa!

Mavingu 10:18

Awule a sisako livengo wa hemba ngu txisofu, ni wule a lumbetako njiphukuphuku.