Levhi 19:15 - Bhiblia Yo Sawuleka

¹⁵ Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Levhi 19:15 Referans Kwoze

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.

Mavingu 24:23

Aawa ni ona, ngu ona mavingu titxhari. Hi nga ta tinene kulamula ngu kuwona khohe.

Dhewuteronome 27:19

“Dikhombo di nave ka wule a hambukisako fanelo ya mluveli, ni ya wo felwa ngu vaveleki, ni noni!” Vathu votshe va na womba va txi kha vona: “Amen!”

Levhi 19:35

Mi nga maheni wukanganyisi kulamulani kwanu, hambi ka mpimo wo nemela ni wa kulapha ka simaha!

Mavingu 18:5

Hi nga tinene kuemela m'bihi, ku txi wiswa wo lulama kulamulwani.

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Masalmo 82:2

“Mi na leka ditshiku muni kulamula ko soholoka ni kuemela vabihi kani?

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Johani 7:24

Mi nga lamuleni ngu kuwona khohe dwe, aniko lamulani ngu nzila yo lulama.”

Mithumo 23:3

Sekoko Paulo a to khene kwakwe: “Txizimu txi na kupeka, disetawe do pendwa! U zumbete ku ni lamula ngu mlayo, na kasi u ndaka mlayo, u txi rumela ku ni pekwa.”

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Jobe 13:8

Mi na txi tumela kani? Mi na txi lwela Txizimu kani?

Jobe 32:21

I tiku Txizimu txo ni ninga kwa mbi sawulela vathu, hambi kuvengela ni wammweyo m'thu.

Jobe 34:19

Ngutu-ngutu Txizimu txi si nyenyiko mthangeli, hambi kukhatalela nyatithombe kupinda txisiwana; nguko sotshe mthumo wa manza a txona.

Mavingu 31:9

Tula txisofu txako, lamula ngu kululama, u lamulela sisiwana ni vale va pwatako somaha.