Levhi 19:11 - Bhiblia Yo Sawuleka

¹¹ Mi nga peni, mi nga dyeleleni, mi nga wombeni makuhu kasi kukanganyisa mkwanu.

Levhi 19:11 Referans Kwoze

Eksodha 20:15

U nga pe.

Vakolosa 3:9

Mi nga hembelaneni, nguko mi xivite m'thu wa kale ni hanyelo yakwe;

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Masalmo 101:7

Nyumbani kwangu kha ku na mbi zumba vakanganyisi; kha ni lavi va makuhu masoni kwangu!

Varoma 3:4

Lambi! Txizimu txi fanete kumaneka i di txa ditshuri, hambi votshe vathu ve maneka i di va makuhu, nga hawa ku nga bhalwa, va txi kha vona: “U fanete kuziwa ti to u lulamile ka mapswi ako, ni kumaneka u si nga ni mnandu, mbimo yi u no yiswa kulamulwani.”

Dhewuteronome 5:19

U nga pe.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.

Jeremiya 6:13

Nguko va ti ningetete mu ka kumbilukela, vanana ni vahombe, vaprofeti ni vaphaxeli, votshe va onga.

Masalmo 116:11

Kukaratekani kwangu, ni zile ni txi khani: “Ku walo m'thu wo thembeka!”

Eksodha 22:7

Ngako m'thu a txi ya ningela ka mwakelani wakwe male mwendo simaha kasiku e si xayisa, se si txi ya piwa nyumbani ka wule a nga si amukela, ngako dikhokhokho da kona di txi manwa, di na diha ngu kuwuyeta kambidi wa kona.

Eksodha 22:1

“Ngako m'thu a txi pa homu mwendo nvuta, a txi yi daya mwendo ku yi xavisa, a na diha ngu mtxhanu wa tihomu ka homu yimweyo, ni mune wa tinvuta ka nvuta yimweyo.

Eksodha 20:17

U nga navele nyumba ya mwakelani wako; u nga navele msikati wa mwakelani wako, ni txithumi txakwe txa wamwamna mwendo txa wamsikati, ni homu yakwe, ni mbongola yakwe, hambi ni tximwani tximaha txa mwakelani wako.”

1 Vafumeli 13:18

Ene a m'gete ku khene: Nani ni mprofeti kufana ni nawe, se ngelozi yi to ni angula ngu dipswi da Mkoma, yi txi kha yona: Mmahe e tshumela ni nawe mi tsula m'tini kwako, kasi ku eya dya dipawu, ni kusela mati (kambe a to mu hembete).

Eksodha 20:16

U nga lumbete mwakelani wako ngu wufakazi wa makuhu.

Eksodha 23:1

“U nga hangalase timhaka ta makuhu; u nga tshangane ni vathu vo biha, u nga mahe wufakazi wa makuhu.

Levhi 19:10

U nga lavetele asi sisalako amu ka thembwe yako ya mivhinya, msana ka kuva ku di elutwe, hambi kuroletela mauvha ale ma nga tshomoka. U fanete u txi leka misalela ka sisiwana ni ka valuveli! Ani ngani Mkoma, Txizimu txako!

2 Samuwele 17:20

Si di hokile koko sithumi sa Abhisalome ka m'ti wa wule wamsikati, si to kha sona: Va hayi Ayimahasi ni Jonatani kani? Se wamsikati a to khene kwawe: Va txhatukile mnambo! Se va di va lavile, va si vamani, va to tshumela veya Jerusalema.

Mavingu 24:28

U nga fakaze ta kwa mbi tiziva, u wukela mwakelani wako; nguko u na mkanganyisela txani ngu txisofu txako kani?