Levhi 19:10 - Bhiblia Yo Sawuleka

¹⁰ U nga lavetele asi sisalako amu ka thembwe yako ya mivhinya, msana ka kuva ku di elutwe, hambi kuroletela mauvha ale ma nga tshomoka. U fanete u txi leka misalela ka sisiwana ni ka valuveli! Ani ngani Mkoma, Txizimu txako!

Levhi 19:10 Referans Kwoze

Isaya 24:13

Nguko ku nava ngu mndani ka mafu, hagari ka vathu vava, kufana ni kuzuzwa ka muolivha, ni sizangwa sa sidotho, na ku di gumile kuhaphelwa ka mauvha.

Isaya 17:6

Hambi keto, a na salelwa ngu miboti yokari, nga mndonga wa muolivha, wu di zuzilwe: Wu salako ni mihando yimbidi, mwendo yiraru, titshangwe ka madhavi, ni mune mwendo mtxhanu ka madhavi o nava ngutu, a mndonga wo veleka ngutu, kuwomba Mkoma, Txizimu txa Israyeli.

Levhi 25:6

Edo dilembe, di na va do humuta mafu; aniko mihando yi yi no maneka yi di velekilwe amu tithembweni ka kona, mi na sikota ku yi dya: Awe ni dixonga dako, da wamwamna, ni da wamsikati, hambi ni txithumi; ni mluveli a nga aka kumweko ni nawe;

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

Obhadhiya 1:5

Ngako makhamba mwendo vahoxoti va txi ta ni wusiku (u hoxotilwe njani!) Ina kha va handi so tala ngutu kani? Ngako va txi ta kwako vahapheli va mauvha, ina va si siyi sizangwa sokari kani?

Jeremiya 49:9

Va txo dhuka va txi ta kwako vahaphi va mauvha, kha va na kusiyeta okari kani? Ina makhamba kha ma na ku ta kuxasela ni wusiku ngu ku phindeletisa kani?

Valamuli 8:2

Ene a to va xamula a txi khene: “Njitxani txa hombe ni nga maha ani, txo pala ti anu mi nga maha, kani? Ina kani sizangwa sa sidotho mi nga hapha anu va ka Efrayime, hi nga sa lisima kupinda mauvha otshe hi nga elula athu va ka Abhiyezeri, kani?

Levhi 19:9

Ngako mi txi elula timbewu tithembweni kwanu, mi nga eluleni kala kotshe magwito ka thembwe, kambe mi nga yeni mi txi ya roletela vanyamtshodwe, msana ka kuva mi di gwitile kuelula siyalo.

Levhi 19:11

Mi nga peni, mi nga dyeleleni, mi nga wombeni makuhu kasi kukanganyisa mkwanu.

Levhi 23:22

Ngako mi txi elula tithembweni kwanu, mi nga funyeleni kala magwito ka thembwe, kambe mi nga yeni mi txi ya roletela asi si nga saletela, msana ka kuelul; mi na siyela sisiwana ni vapfhumba va va nga mi wuyela. Ani ngani Mkoma, Txizimu txanu!

Dhewuteronome 24:19

Ngako u txi elula mafaka thembweni kwako, u txi thuka u divala mlumbi, u nga tshumele u txi ya rolela, nguko mafakeyo ma siyele mluveli, ni wo felwa ngu vaveleki, ni wule i ku noni, kasi ku Mkoma, Txizimu txako, a na kukatekisa, ka yotshe mithumo ya manza ako.

Dhewuteronome 24:20

Ngako u txi zuza mihando ya miolivha yako, u nga engete u txi zuza ni madhavi a kona, nguko misalela yi na lumba mluveli, ni wo felwa ngu vaveleki, ni noni.

Rute 2:2

Se Rute wa Mowabhi, a to womba ka Nowemi a txi khene: Ni tumelele ku ni txi ya thembweni kuya lavetela sitxatxa, msana ka wule a no ya ni siza a txi ni amukela. Se masale wakwe a to mxamula a txi khene: “Tsula mwanangu.”

Levhi 11:44

Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Dhewuteronome 24:21

Ngako u txi elula m'vhinya wako, u nga tshumelete u txi ya lavetela mkumba, wo lumba mluveli, ni wo felwa ngu vaveleki, ni noni.