Levhi 18:5 - Bhiblia Yo Sawuleka

⁵ Mi fanete kuxayisa milayo yangu ni mithetho yangu, nguko yona ya tsanisa wutomi, ka wule a yi londetako! Ani ngani Mkoma!

Levhi 18:5 Referans Kwoze

Varoma 10:5

Nguko Mosi a bhate ti to m'thu wu a mahako kululama ku i ku ka Mlayo, a na hanya ngu kona.

Ezekhiyele 20:11

Ni va ningile sileleto sangu, ni ku va komba milayo yangu, ngako m'thu a txi si londeta, a na hanya ngu sona.

Vagalatiya 3:12

Ngu konaho Mlayo ni likholo kha si tsimbili ngu nzila yimweyo; nguko Mlayo wu womba tiya: “M'thu a hanya ngu kuvekisa sileleto sa Mlayo.”

Luka 10:28

Se Jesu a nje khene kwakwe: “U xamute ta tinene; maha toneto, u na mana wutomi.”

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Eksodha 6:2

Txizimu txi wombile kambe ka Mosi txi txi kha txona: “Ani ngani Mkoma!”

Malakiya 3:6

Nguko ani Mkoma, kha ni txitxi; ngu mhaka yeto, anu vanana va ka Jakobe, kha mi loviswi.

Eksodha 6:29

Mkoma a wombile ka Mosi a txi khene: Ani ngani Mkoma; womba ka Faro mfumeli wa Egipta, totshe ti ani ni kugelako.

Matewu 19:17

Jesu a to mu wotisa a txi khene: “U wotisela txani ngu mhaka ya tiya i ku ta tinene kani? Wamnene i mmweyo basi. Aniko, u txi lava kuwulela wutomini ko mbi guma, veketa milayo.”

Varoma 7:10

se ani nifa: Ku txi maneka ti to mthetho wu wu nga vekelwa kuhanyisa, wu ni vangete kufa.

Levhi 18:6

Ni wammweyo wamwamna a nga thuke e otela ni wamsikati wu i ku mnoha wumwewo nayo, a txi tumbula wumbwiri wakwe. Ani ngani Mkoma!

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Nehemiya 9:29

Se u va laya ti to ve tshumelela ka mlayo wako; aniko vona va to ti kulisa, va si engisi sirumo sako, ve onhela wululamo wako, awu ngako m'thu a txi wu londisa a na hanya.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Ezekhiyele 18:9

a tsimbilako ngu sileleto sangu, ni kuxayisa wululamo wangu, kasi ku e maha madingano ni ditshuri, eyo mlulami ngu ditshuri a na hanya, kuwomba Mkoma Txizimu.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Dhewuteronome 30:20

ngako u txi randa Mkoma, Txizimu txako, u engisa dipswi dakwe, u namarela kwakwe; nguko ene ngene i ku wutomi wako ni kuanda ka masiku ako, kasi ku u na sikota kuzumba ka ditiko di Mkoma a nga xambanya ka vatate vako, Abrahamu, Isaake, ni Jakobe, ti to a na va ninga.