Levhi 18:4 - Bhiblia Yo Sawuleka

⁴ Mi fanete kuxayisa mithetho yangu ni milayo yangu: Ani ngani Mkoma, Txizimu txanu.

Levhi 18:4 Referans Kwoze

Levhi 18:2

Gela msengeletano wa ka Israyeli sileleto siya: Ani ngani Mkoma, Txizimu txanu!

Johani 15:14

Anu mi vangana vangu, ngako mi txi maha totshe ti ni mi rumako.

Ezekhiyele 36:27

Kambe ni na thela moya wangu mndani kwanu, ni na maha ti to mi tsimbila ngu sileleto sangu, mi txi vekisa wululamo wangu, ni ku wu londeta.

Ezekhiyele 20:19

Ani ngani Mkoma, Txizimu txanu; tsimbilani ngu sileleto sangu, niku, xayisani milayo yangu, kambe ti maheni.

Masalmo 119:4

Mkoma, awe u hi ningile milayo yako, u txi hi gela ti to hi yi xayisa ngu yotshe mbilu.

Dhewuteronome 6:1

“Ayiya koko, ngu yona milayo ni sileleto ni mithetho, asi Mkoma, Txizimu txanu, a nga ruma ti to ni mi gondisa, kasi ku mi txi si maha, ka ditiko di mi yako ka dona, mi txi ya di fuma.

Levhi 20:22

Vekisani koko sotshe sileleto sangu, ni milayo yangu, mi txi yi londeta, kasi ku ditiko di ni mi yisako ka dona kuya zumba kona, di si mi kosi.

Levhi 19:37

Mi na vekisa sotshe sileleto sangu, ni kulondisa yotshe milayo yangu: Ani ngani Mkoma!

Levhi 18:26

Kambe mi fanete kulondeta milayo yangu ni mithetho yangu, mi si maheteli timhaka to thisa hagari kwanu, anu vanyamne va ditiko, kumweko ni valuveli.

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Ezekhiyele 37:24

Se txithumi txangu Dhavhidha a na fuma txitimwi kwawe, votshe va na va ni m'dyisi mmweyo; kambe va na tsimbila ngu wululamo wangu, ni kuvekisa sileleto sangu, va na si maha.

Masalmo 105:45

kasiku ve vekisa milayo ya txona ni kuxonipha sileleto sa txona. Dhumisani Mkoma!

Levhi 18:5

Mi fanete kuxayisa milayo yangu ni mithetho yangu, nguko yona ya tsanisa wutomi, ka wule a yi londetako! Ani ngani Mkoma!

Levhi 19:19

U na vekisa sileleto sangu; u nga leke txifuyo txako txi kandwa ngu txifuyo txa limwani lixaka; u nga phaye thembweni kwako mixowo yimbidi yo hambana ya timbewu, kambe u nga ambale nguwo yo lukwa ngu mixowo yimbidi yo hambana.