Levhi 18:3 - Bhiblia Yo Sawuleka

³ Mi nga maheni ati va mahako Vaegipta, vale mi nga hanya navo ka masiku ale ma nga pinda, hambi tile va mahako Vakanana, vathu va ditiko dile ni lavako ku mi yisa ka dona, hambi kulondeta mikhuwo yawe.

Levhi 18:3 Referans Kwoze

Levhi 20:23

Mi nga londeteni mikhuwo ya vathu va ditiko edo ni no ya va tovela masoni kwanu, nguko va mahetete totshe to biha; ngu toneto va ni xamukisile.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Ezekhiyele 23:8

Ni wotshe wugelegele wule a nga ta nawo ngu Egipta kha wu leka; nguko va otete nayo i di ngadi mphya, kambe va ñoletete titshumbu ta wuhorana wakwe, se ve thela kwakwe wubihi wawe.

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Masalmo 106:35

se aniko va to ti patanisa kumweko navo, ve tekelela mtumbuluko wa mahanyelo awe;

Dhewuteronome 12:4

Ngu didhawa da Mkoma, Txizimu txanu, mi nga maheni atile vona va ti mahako,

Dhewuteronome 9:4

Ngako koko Mkoma, Txizimu txako, a di va tutumisile masoni kwako, u nga wombe mbiluni kwako u txi khawe: “Mkoma a ni fumisile ka ditiko diya, ngu mhaka ya kululama kwangu,” nguko Mkoma a tutumisa matiko awa ngu mhaka ya kubiha ka ona.

2 Vafumeli 17:8

Se va to tsimbila ngu sileleto sa mifumo yile, Mkoma a nga yi thavisa kule ka vanana va ka Israyeli, ya sihena sa vafumeli va ka Israyeli.

Dhewuteronome 29:17

Mi ma woni manyala awe ni sithombe sawe sa mapulango ni sa marigwi, ni sa silivhela ni sa nzalama, asile vona va ku naso.