Levhi 18:25 - Bhiblia Yo Sawuleka

²⁵ Ditiko di nyenyezile, se ani ni tsayisa wubihi wa dona, aniko ditiko di na kosa vaaki va dona.

Levhi 18:25 Referans Kwoze

Levhi 18:28

Kasi ku ditiko diya di si mi kosi nanu, ngu kumaneka mi txi di nyenyezisa ngu kubiha kwanu, nga kule di nga kosa vaaki vale va nga hanya ka dona, na anu mi sinzi ku va ho.

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.

Jeremiya 9:9

Ina ani na mbi va tsayisa ngu mhaka ya sona siya kani? Kuwomba Mkoma. Ni na ti pharelela ka ditiko do nga diya kani?

Masalmo 106:38

Va theketile mnoha wo mbi na mnandu, mnoha wa vanana vawe va vafana ni mahorana, ve phaxela ngu wona ka sithombe sa Kanana se ka toneto va nyenyezisile ditiko.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Jeremiya 16:18

Se kukhata ni na va tshumetela kumbidi wubihi wawe ni sionho sawe, nguko va nyenyezisile ditiko dangu ngu sirumbi sa manyala awe, kambe ngu sinyenyeko sawe va tatile thomba yangu.”

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Jeremiya 5:9

Ina ani kha ni na ku si tsayisa soneso kani? Kuwomba Mkoma. Na mbi pharela ka ditiko daku nga diya kani?

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Dhewuteronome 18:12

ni wihi wule koko a mahetelako totshe tiya, njiyenyeko ka Mkoma; se ngu mhaka ya sinyenyeko siya, Mkoma Txizimu txako, a na va tshotsha kule ni nawe vathu vava.

Varoma 8:22

Nguko ha tiziva ngu kutsanisa tito, kala ditshiku da nyamsi, sotshe sivangwa sa keta ni kukuma, nga kule ka wamsikati wu a lumwako.

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Masalmo 89:32

koneko, ni na tsayisa sionho sawe ngu ndonga, ni txi va khawulisa wubihi wawe ngu sisephu.

Dhewuteronome 9:5

Hi nga ngu mhaka ya kululama kwako, kambe hi nga ngu mhaka ya wunene wa mbilu yako, aku u ngaza u wulela, u teka ditiko dawe, aniko Mkoma a tutumisa matiko awa masoni kwako, ngu mhaka ya kubiha ka ona; ni ti to a maha tiya, kasi kutsanisa dipswi di ene a nga xambanya ka vatate vako, Abrahamu, Isaake, ni Jakobe.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Levhi 18:26

Kambe mi fanete kulondeta milayo yangu ni mithetho yangu, mi si maheteli timhaka to thisa hagari kwanu, anu vanyamne va ditiko, kumweko ni valuveli.

Dhewuteronome 21:23

txirumbi txa kona txi nga zumbe ha mndongani wusiku wotshe; aniko u na txi kelela ka donedo ditshiku, nguko awule a nga txikitwa mbwo ruketelwa ngu Txizimu; ngu kumaha keto, u nga nyenyezise ditiko dako, adiya Mkoma, Txizimu txako, a no kuninga di maha thomba yako.

1 Vafumeli 21:26

Kambe a mahile kunyenyeza ka hombe, a txi londisela sithombe, nga ti va nga maha Vaamori, evo Mkoma a nga va tshotsha kule, masoni ka va ka Israyeli.

Ezra 9:11

ayile u nga rumela ni sithumi sako, i ku vaprofeti, u txi khawe: Ditiko diya mi wulelako ka dona kuya di teka, ditiko da nzambwa ngu mhaka ya wubihi wa vathu va dona, ngu sinyenyeko siya, asi amu ka wukanganyisi wawe, va ngadi tata, kukhukhela magwito an'ze magwito kambe.