Levhi 18:21 - Bhiblia Yo Sawuleka

²¹ U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

Levhi 18:21 Referans Kwoze

Dhewuteronome 12:31

U nga ti mahe eto masoni ka Mkoma, Txizimu txako! Nguko totshe ti Mkoma a ti nyenyako, totshe ti ene asi ti laviko, vona va ti mahile ka sizimu sawe, aha koza va txi hisa vanana vawe vavafana ni vamahorana, va txi dhumisa sizimu sawe.

Levhi 19:12

Mi nga xambanyeni makuhu ngu ditina dangu, nguko mi nga nyenyezisa ditina da Txizimu txanu. Ani ngani Mkoma!

Dhewuteronome 18:10

Ku nga maneke hagari kwanu ni wammweyo wo hisa mwanana wakwe wa mfana mwendo wa dihorana ha mndiloni; hambi wa kuthumisa wuñanga, ni kuxaxuva, ni kuhuta, mwendo matiloti,

Levhi 22:32

Mi nga nyenyeziseni ditina dangu do sawuleka; kasiku ani ni txi dhumiswa hagari ka vanana va ka Israyeli: Ani ngani Mkoma, ni mahako ti to anu mi va vathu vo sawuleka.

Mithumo 7:43

Kambe mi rwate m'dhuti wa Moloke ni nyeleti ya txikwembu txanu Refani. I ku sithombe si mi nga si maha kasi ku si khizamela. Ngu konaho ni na mi payula ni mi yisa ka kupinda Bhabhilona.

Malakiya 1:12

Aniko anu ma di nyenyezisa, ngako mi txi khanu: Meza ya Mkoma yi nyenyezile, ni siya sa yona, sakudya sa kona, sa eyiseka.

Jeremiya 19:5

va akete Bhahali makhalo o guleka, kuva va txi na hisela kona vanana vawe ngu mndilo kota miphaxo yo hiswa ya Bhahali; ati ni nga mbi va laya, hambi ku va gela, mwendo ku ti alakanya.

1 Vafumeli 11:33

Nguko va ni lekile veya khizamela Axitaroti, txizimu txa txisikati txa Vasidhoni, Akemosi txizimu txa va Mowabhi, ni Milikomi txizimu txa vanana va ka Amoni, kambe kha va tsimbila ngu tinzila tangu, kasi ve maha ati ti wonekako i di ta tinene masoni kwangu, i ku, sileleto sangu ni wululamo wangu, nga tate wawe Dhavhidha.

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

Levhi 22:2

Gela Aroni ni vanana vakwe, ti to ve tsule kule ni simaha so sawuleka sa vanana va ka Israyeli, ava va ni sawulekisako, kasiku va si nyenyezisi ditina dangu do sawuleka: Ani ngani Mkoma!

Amosi 5:26

Txo khata mi tekile ditenda da Moloke wanu, ni txiluvelo txa sifaniso sanu, ni nyeleti ya txizimu txanu, mi nga ti mahela mipune.

Ezekhiyele 23:37

Nguko va mahile wugango, se ku ni mnoha manzani kwawe; va mahile wugango ni sithombe sawe, ni vanana vale va nga ni velekela, va va pindisile ngu mndiloni, wu txi va tshokomisa.

Ezekhiyele 20:31

Se mbimo yi mi ningelako miningelo yanu, kambe mi pindisa vanana vanu ngu ha mndiloni, ina hi nga ku mi nga ti nyenyezisa ngu sithombe sanu kala ka ditshiku diya kani? Se mi ndi na ni wotisa ta txani, anu va nyumba ya ka Israyeli kani? Na hanya ani, kuwomba Mkoma Txizimu, taku anu kha mi na mbi ni wotisa txilo.

Jeremiya 7:31

Makhalo o guleka a Tofeti va ma akile mkovani ka mwanana wa Hinomi, kasi ve hisela kona vafana ni mahorana awe ngu mndilo; eto ni nga mba laya, ni kualakanya.

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

2 Vafumeli 21:6

A zile e hisa mwanana wakwe ha mndiloni, i ti ti wa txiñangañanga, a txi xaxuva ngu marefu, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku muwusela kuhenya.

2 Vafumeli 16:3

Nguko a tsimbite ngu nzila ya vafumeli va ka Israyeli, hambi mwanana wakwe a mmahile mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

Levhi 21:6

Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe.

Varoma 2:24

Ngu konaho, ti bhatwe ti to “Ditina da Txizimu da ruketelwa hagari ka vamatiko ngu mhaka yanu.”

Varoma 1:23

Se va phindute wudhumo wa Txizimu txi, txi si fiko, ve wu maha wa sithombe sa m'thu wu a fako, ni wa sinyana, ni wa sihari sa mune wa minenge, ni wa so tsimbila ngu dibindi.

2 Makronika 28:3

Kambe a to hisa dibaselo mkovani ka Mwana Hinomi, hambi vanana vakwe a mahile ngu vona mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Ezekhiyele 20:26

se ni va nyenyezisile ngu siningo sawe vapune, sa kupindisa ngu ha mndiloni otshe matiwula; kasi ku va xasela, kasi kuva txi tiziva ti to ani ngani Mkoma.

Mika 6:7

Ina Mkoma a na tsaka ngu magumi a mazana a tinvuta kani? Ngu 10.000 ya siya so tala ngu mafura kani? Ni na ningela matiwula angu ngu mhaka ya wuhambunyeti wangu kani? M'hando wa mndani kwangu, ngu mhaka ya txionho txa dihika dangu kani?

Levhi 24:15

U na womba ka vanana va ka Israyeli u txi khawe: Ni wuhi m'thu a ruketelako Txizimu txakwe, a na rwala kunemela ka txionho txakwe.

2 Vafumeli 17:31

se va Avhewu va to maha Nibhazi ni Taritake; se Vasefarivha va txi hisa vanana vawe mndiloni, masoni ka Adrameleki ni ka Anameleke, sizimu sa Sefarivha.

Amosi 2:7

Va tsaka ngutu ngu kukandetela sisiwana hahatshi, va gombonyekisa tindzila ta va vo lulama; dijaha ni tate va wulelete dihorana dimwedo, kuve nyamisa ditina dangu.