Levhi 18:18 - Bhiblia Yo Sawuleka

¹⁸ U nga tekane ni wamsikati ni mwanawe, u vangisa wukhuxu, u txi vhunungula wumbwiri wako ni wakwe, a txi ngadi a txi hanya.

Levhi 18:18 Referans Kwoze

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Genesisi 30:15

Aniko Leya a mxamute a txi khene: “Ina u alakanya taku ndidotho aku u nga ni tekela mwamna kani? Sekoko u lava ku ni tekela kambe maranga a lirando a mwanana wangu kani?” Sekoko Rakeli a to khene: “Jakobe a na va ni nawe wusiku wuwa, kasi kudihela maranga a lirando a mwanako.”

Genesisi 29:28

Se Jakobe a to maha toneto, e heta divhiki da Leya. Se ngako di di gumile divhiki da Leya; sekoko Labhani a to mninga Rakeli, eva msikati wa Jakobe.

Genesisi 4:19

Se Lameki a tekile vasikati vambidi: Mmweyo a ti dhanwa ku i Adha, ni mmwani ditina dakwe i ti ti Zila.

Eksodha 26:3

Mtxhanu wa mijiyo yi na patwa yi txi rungwa; ni yimwani ya mtxhanu yi na patwa yi rungwa ni yona.

Levhi 18:17

U nga vhunungule wumbwiri wa wamsikati wokari, ni wa mwanana wakwe; hambi mwanana wa dihorana wa mwanana wakwe wa mfana, mwendo mwanana wa dihorana wa mwanana wakwe wa dihorana, nguko maxaka a ditshuri; ndingana ta hombe.

Levhi 18:19

U nga thuke u otela ni wamsikati wokari, ngako a di ni mitxima, nguko ngu mnyenyezisa!