Levhi 18:16 - Bhiblia Yo Sawuleka

¹⁶ U nga otele ni msikati wa mwananu; nguko mbumbwiri wa mwananu.

Levhi 18:16 Referans Kwoze

Dhewuteronome 25:5

Ngako mkoma ni mnanda va txi zumba wukhalo wumwewo, se mmweyo wawe a txi fa, a sa nga siya mwanana, msikati wule wa mfi, kha na mbi khukha ha m'tini, a txi ya tekana ni mmwani wamwamna, i si nga dixaka da ha mwayani ka wule a nga fa, a na va a txi tekwa ngu mwanawe mfi, kasi kutatisa fanelo yakwe, nga ha i ku ndombe.

Levhi 20:21

Se ngako wamwamna wokari a txi teka msikati wa mwanawe, eto ta yila; nguko a vhunungute wumbwiri wa mwanawe; se va na fa va si nga ni vanana.

Marku 12:19

“M'gondisi, Mosi a hi bhalete a txi khene: M'thu ngako a txi fa, e siya msikati a si nga ni mwanana, mwanawe a na mu sambele thaka e wusela liveleko mwanawe.

Matewu 22:24

va txi kha vona: “M'gondisi, Mosi a ti khene: ‘Ngako m'thu a txi fa, a si nga ni vanana, mnanda wakwe a na sambele thaka msikati wakwe, a txi wusa mwaya wa mkomwakwe.’

Luka 3:19

Kambe, ngako mfumeli Herodha a di kawukilwe ngu Johani ngu timhaka ta Herodhiya, msikati wa Filipi, mwanawe, ni konaho ka totshe timwani to biha a nga ti maha,

Marku 6:17

Nguko ene Herodha a ti rumile vathu veya ñola Johani ve mu sekela mkorani, ngu mhaka ya Herodhiya, msikati wa Filipi, mwanawe, nguko a ti mu tekile.