Levhi 17:8 - Bhiblia Yo Sawuleka

⁸ U na va gela ku khawe: Ngako m'thu wa ka Israyeli, mwendo mluveli wu a nga aka navo, a txi lava kumaha mningelo wo hiswa mwendo yimwani mhamba,

Levhi 17:8 Referans Kwoze

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

2 Samuwele 24:25

Se Dhavhidha a to aka koneho txiluvelo txa Mkoma, e ningela miphaxo ya kuhiswa ni mningelo wa kudikha. Koneko Mkoma a to tsetsa ditiko, se txitsayiso txile txi to guma txitimwi ka va ka Israyeli.

1 Samuwele 16:2

Kambe Samuwele a to khene: Ni na tsulisa kutxani ani, kani? Nguko a txo tipfa Sawule koko, a na ni daya. Sekoko Mkoma a to khene: Teka dirole da makati u tsula nado, u txi ya khawe: Ni tile kasiku ta mahela mphaxo Mkoma.

1 Samuwele 10:8

Awe koko, u na thangela masoni kwangu uya Giligali, se wona taku ani ni na kulondeta ngu msana, kasiku kuya maha miphaxo yo hiswa, ni kuningela mningelo wa kudikha; koneyo u naya ni emela mtxhanu wa masiku ni mambidi, kala kuza ni ta kwako ni ta kugela ti u feleko ku timaha.

1 Samuwele 7:9

Sekoko Samuwele a to teka txinvutana txo ngadi txi txi mama, e maha ngu txona txotshe mphaxo wo hiswa ka Mkoma; Samuwele a to kombelela va ka Israyeli ka Mkoma, se Mkoma a to mu engisa.

Valamuli 6:26

Ngu msana u na aka txiluvelo txa Mkoma, Txizimu txako, ngu txitimwi ka dirigwi diya, msana ka kuva u di lulamisile. U na teka didhuna da wumbidi u txi maha ngu dona mhamba yo hiswa ngu tikhuni ta txithombe, a txi u nova u di txi gangete.”

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 17:4

hambi i txo va ha txikeni ka ditenda da msengeletano, a si mahi mningelo ka Mkoma, masoni ka wukhalo wo sawuleka wa Mkoma, a na va ni mnandu, ngu kuva a di theketile mnoha; ngu toneto a na va a txi tovelwa hagari ka vathu va ka kwakwe.

Levhi 3:7

Ngako u txi ningela ngu txinvutana ka mningelo wako, tsula u ya txi ningela masoni ka Mkoma.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Levhi 17:9

na asi wu yisi ha txikeni ka ditenda da msengeletano, kasiku eya maha mningelo ka Mkoma, a na va a txi tutumiswa ka vathu va ka kwawe.

Joxuwa 22:11

Vanana va ka Israyeli, va to engisa vathu va txi womba va txi kha vona: Wonani, vanana va ka Rubheni, ni vanana va ka Gadhi, ni va hafu ya lihunzu la ka Manasi, va akile txiluvelo txa hombe, txi dingetanako ni ditiko da Kanana, hafuhi ka mnambo wa Jordhani ngu didhawa da vanana va ka Israyeli.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

Joxuwa 22:16

Wotshe msengeletano wa Mkoma wu womba tiya: Njionho muni txona txiya mi nga txi maha, txa kuwukela Mkoma, Txizimu txa ka Israyeli, akuwa nyamsi mi tshuralelako Mkoma, mi ti akela txiluvelo, atxiya i ku txiruko txo wukela Mkoma, kani?