Levhi 17:5 - Bhiblia Yo Sawuleka

⁵ Kasi ku vanana va ka Israyeli ve wuyisa ka Mkoma sihari si va nga daya hahanze ka wugovelo, va txi si neha kasi ku si maha mhamba ya mpatano.

Levhi 17:5 Referans Kwoze

Ezekhiyele 22:9

Hagari kwako ku ni vavamna va sipoyilo, kasi kutheketa mnoha; kambe va dyete txitimwi ka mimango yako, ni kumahetela wukanganyisi hagari kwako.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

2 Makronika 28:4

Kambe a mahile miphaxo ni kuhisa dibaselo ka makhalo o guleka ni simangwanani, ni hahatshi ka yotshe mindonga ya ku nakana.

2 Vafumeli 17:10

Va to aka sithombe, ni so vatwa, ka sotshe siluvelo sa mimangoni, ni hahatshi ka yotshe mindonga yo nakana.

2 Vafumeli 16:4

Kambe a mahile miphaxo ni kuhisa dibaselo siluveloni ni simangwanani, ni hahatshi ka mitsudi ya yotshe mindonga.

1 Vafumeli 14:23

Nguko ni vona va akile makhalo o guleka, ni sithombe, ni kuvata sifananiso, txitimwi ka sotshe simangwana hahatshi ka mindonga yo hanya.

Dhewuteronome 12:2

Mi na ya haxulela otshe makhalo awa vathu va mi yelako kuya va khozisa, va nga ti khozela ka ona sizimu sawe, txitimwi ka mimango ya hombe, amu ka mimango yo guleka ni mu ka simangwana, ni hahatshi ka yotshe mindonga yo nakana;

Eksodha 24:5

Ngu msana a to ruma mazambi okari a vanana va ka Israyeli, kasiku va txi maha miningelo yo hiswa, va txi maha miphaxo ka Mkoma ngu kudaya marole va txi dhumisa Mkoma.

Genesisi 31:54

Jakobe a to phaxa mhamba txitimwi ka mmango, e dhana va ka kwawe ve ta dya sakudya. Vona va dyite, va txi otela kona mmangoniyo.

Genesisi 22:13

Sekoko mbimo yile Abrahamu a nga gula maso, a to wona txihambana msana kwakwe, txi di khwekete ngu titxheho makhukhuni; Abrahamu a to ya teka txihambana txile, e txi ningela txi maha mhamba yo hiswa, txi txi tsiveta mwanana wakwe.

Genesisi 22:2

Txizimu txi to kha txona: “Teka mwanana wako, mwanana wako wammweyo, ene Isaake, awu u m'dhundako ngutu, u tsula ka ditiko da Moriya, ahawa u no ya mningela, u txi mmaha mhamba ya kuhiswa, ka mmango wu ni no kukomba.”

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Levhi 17:4

hambi i txo va ha txikeni ka ditenda da msengeletano, a si mahi mningelo ka Mkoma, masoni ka wukhalo wo sawuleka wa Mkoma, a na va ni mnandu, ngu kuva a di theketile mnoha; ngu toneto a na va a txi tovelwa hagari ka vathu va ka kwakwe.

Levhi 17:6

Mphaxeli a na xwayela ngu mnoha aha ka txiluvelo txa Mkoma, ha txikeni ka ditenda da msengeletano, e hisa mafura a mningelo, kasi kubhumula ku txi tsakisa Mkoma.

Ezekhiyele 43:27

Ngako va di xayisile masiku awa a mtxhanu ni mambidi, kukhukhela ka ditshiku da wutxhanu ni mararu kuya masoni, vaphaxeli va na lulamisela miningelo yanu yo hiswa, txitimwi ka txiluvelo, ni miphaxo yanu ya kudikha; se ani ni na tsakiswa ngu nganu, kuwomba Mkoma Txizimu.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

1 Vafumeli 3:2

Aniko vathu va txi phaxela ka makhalo o guleka dwe, nguko kala ka ale masiku, ku si se akelwa nyumba ditina da Mkoma.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.