Levhi 17:4 - Bhiblia Yo Sawuleka

⁴ hambi i txo va ha txikeni ka ditenda da msengeletano, a si mahi mningelo ka Mkoma, masoni ka wukhalo wo sawuleka wa Mkoma, a na va ni mnandu, ngu kuva a di theketile mnoha; ngu toneto a na va a txi tovelwa hagari ka vathu va ka kwakwe.

Levhi 17:4 Referans Kwoze

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Johani 10:9

Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu.

Johani 10:7

Jesu a engetile e va gela kambe a txi khene “Ngu ditshuri, ngu ditshuri, na mi gela ti to ani ngani ni ku txike txa tinvuta.

Ezekhiyele 20:40

Nguko ka mmango wangu wo sawuleka, mmangoni ko guleka ka Israyeli, kuwomba Mkoma Txizimu, nguyo yi no ni thumela kona yotshe nyumba ya ka Israyeli, yotshe ka dona ditiko dile; koneyo ni na tsaka ngu vona, kambe ni na amukela miningelo yanu yo ndiwitelwa, ni miningelo yanu yo khata, ni sotshe somaha sanu so sawuleka.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Genesisi 17:14

M'thu wuhi ni wuhi wa wamwamna, awule a nga mbi yiswa wukwerani, awule a nga mbi wilwa didhowo da magwito ka nyama yakwe, a na tutumiswe hagari ka m'ti wa lihunzu la ka kwawe, nguko a eyisile Txitumelelano txangu.”

Varoma 5:20

Mlayo wu tile kasi kuonha ku txi anda; aniko, ahawa kuonha ku nga anda kona, kateko yi andile ngu kupindisa;

Varoma 5:13

Nguko hambi mbimo yile ku nga sinzi ku va ho mlayo, txionho txi ti ti ho ha mafuni; kambe ahawa ku ku si nga ni mlayo, kuwalo kuonha.

Varoma 4:6

Ngu toneto, nene Dhavhidha a wombako kukateka ka m'thu wu Txizimu txi mu wombako ku mbwo lulama, na i si nga mhaka ya mithumo, ngako a txi khene:

Masalmo 32:2

A katekile m'thu wule mbiluni kwakwe ku singako ni wubihi awule, Mkoma asi maniko kugombonyeka mbiluni kwakwe.

Levhi 20:18

Ngako wamwamna wokari a txi otela ni wamsikati wule a ku ni mitxima yakwe, e ziva wumbwiri wakwe, a txi ziva ditshina da mnoha wa wamsikati, ni wamsikati a zivile ditshina da mnoha wakwe, ngu wumbidi wawe va na fuviswa hagari ka vathu va ka kwawe.

Levhi 20:16

Nene wamsikati, ngako a txi ti ningela ka txihari, a txi otela natxo dayani eyo wamsikati kumweko ni txihari, ngu ditshuri va na dawa; mnoha wawe wu na wele txitimwi kwawe.

Levhi 20:3

Ni na mronokela ngu maso angu, ni txi mwukela eyo m'thu, ni na mtutumisa hagari ka vathu va ka kwawe, nguko a ningete mwanana wakwe ka Moloke, e nyenyezisa wukhalo wangu wo sawuleka, ni ku bihisa ditina dangu do sawuleka.

Levhi 18:29

Kkambe wule a no va a txi mahetela timhaka to nyenyeza, a na tovelwa hagari ka vathu va ka kwawe.

Levhi 17:14

Nguko wutomi wa mmidi ngu mnoha wu txihari txi ku nawo; se ngu toneto, ani ni tsimbile va ka Israyeli, ti to va si dyi mnoha wa txihi ni txihi txihari. Wutomi wa sihari wu mu ka mnoha; awule a wu dyako a na tutumiswa hagari ka vathu va ka kwawe.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 7:18

Nguko m'thu a txi dya nyama ya mhamba ya mpatano, ayi yi no sala, ka ditshiku da wuraru, mhamba yoneyo kha yi na mbi amukelwa ngu Txizimu, yi na va i si nga yo vhuna txilo; i nyama yo onheka, ni wule a nga yi dya a na rwala mnandu wa kona.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Eksodha 12:19

Mndani ka mtxhanu wa masiku ni mambidi ku nga thuke ku txi maneka mtshumbelo tinyumbani kwanu; awule a no maneka a txi dya dipawu do tshumbelwa a na hambukiswa ka msengeletano wa ka Israyeli, hambi i di mluveli mwendo txizikwa txa ditiko.

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Levhi 17:3

Ngako m'thu wokari wa ka Israyeli a txi daya didhuna, mwendo txinvutana hambi phongo, amu wugoveloni mwendo hahanze ka wugovelo,

Levhi 17:5

Kasi ku vanana va ka Israyeli ve wuyisa ka Mkoma sihari si va nga daya hahanze ka wugovelo, va txi si neha kasi ku si maha mhamba ya mpatano.

Levhi 17:9

na asi wu yisi ha txikeni ka ditenda da msengeletano, kasiku eya maha mningelo ka Mkoma, a na va a txi tutumiswa ka vathu va ka kwawe.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Eksodha 30:38

Awule a no maha tximaha txo fana kasiku e ti mahela dibaselo do bhumula, a na tutumiswa aha ka lihunzu la ka kwawe.”

Levhi 3:2

A na sanzeka dianza dakwe ha msungo ka txihari txi a no maha mhamba ngu txona, a na txi wila mkolo a di ha txikeni ka ditenda da msengeletano. Se vaphaxeli, i ku vanana va Aroni, va na xwayela ngu mnoha wa txona madhawani ka txiluvelo.

Dhewuteronome 21:8

Divalela, Mkoma, vathu vako va ka Israyeli, avale awe Mkoma u nga va tirula; u nga tumele ti to mnoha wo mbi na txionho, wu txi thekela txitimwi kwathu, athu vanana vako va ka Israyeli.” Sekoko mnohewo wu na divalelwa.