Levhi 17:10 - Bhiblia Yo Sawuleka

¹⁰ Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Levhi 17:10 Referans Kwoze

Levhi 17:11

Nguko wutomi wa mmidi wu maneka mu ka mnoha; ngu toneto ni nga mi ninga txiluvelo, kasi kumaha mhamba yo divalela txionho, nguko ngu mnoha ta koteka hulukisa wutomi.

Dhewuteronome 12:23

Kambe ti wonele, u si dyi mnoha, nguko mnoha mbutomi. Ngu toneto, u nga dye wutomi ni nyama.

Dhewuteronome 12:16

Kambe mnoha mi nga dyeni, wu theketeni ha mafuni ku nga mo theketa mati.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Jeremiya 44:11

Ngu konaho, Mkoma wa Mabutho a Tiyimbi, Txizimu txa Israyeli, a womba tiya: Ni na mi henyela, ni txi mi thuvikela, ni txi fuvisa Judha.

1 Samuwele 14:33

Se va to zivisa Sawule va txi kha vona: Wona taku vathu va onhela Mkoma, ngu kudya nyama ni mnoha wa yona. Se ene a to khene: Mi onhile ngutu; wumbulutani dirigwi da hombe nyamsi di ta hawa kwangu.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Ezekhiyele 15:7

Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani Mkoma, aha ni no va ni di va ronokete.

Ezekhiyele 14:8

Se ni na mronokela eyo m'thu, ni na mmaha txixamaliso, txikombiso ni divingu, kambe ni na mthavisa hagari ka vathu vangu; mi na tiziva taku ani ngani Mkoma.

Masalmo 34:16

Kuhenya ka Mkoma ku txitimwi ka vabihi, kasiku ve fuva ha ditikoni, ve divalwa.

Dhewuteronome 15:23

Mnoha wa kona dwe u nga dye; wu thekete ha mafuni nga mati.

Levhi 19:26

Kha mi na mbi dya nyama yi yi ku ni mnoha; kha mi na mbi wotisa ka nyamsoro, kambe kha mi na mbi xaxuva ka nyatixolo!

Ezekhiyele 33:25

Va gele koko u txi khawe: Mkoma Txizimu a khene: Midya ni mnoha, se mi guleta maso mi wona sithombe sanu, kambe ma theketa mnoha! Ina mi na lumbwa ngu ditiko diya kani?

Jeremiya 21:10

Nguko ni wonelela didhoropa diya ngu wubihi, na i si nga ngu wunene, kuwomba Mkoma. Di na ningelwa didhoropa diya manzani ka mfumeli wa Bhabhilona, a na di hisa ngu mndilo.”

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Mithumo 15:29

Mi txi leka kudya tinyama ta kuphaxelwa sithombe, ni mnoha, ni tinyama ta sile si nga fa ngu kukamwa mkolo, mi txi thava txionho txa wugango. Mi na hanya wutomi wa wunene, ngako mi txi vayilela sotshe siya. Salani.”

1 Samuwele 14:32

Sekoko vathu va to tutumela kuya handa, ve teka tinvuta, ni tihomu, ni marole, se ve si daya hahatshi, ve dya ni mnoha wa sona.

2 Samuwele 23:17

Se a txi khene: Ni xayise awe Mkoma, ti to ni si ti mahi to nga tiya; Ina ani ni di na sela mnoha wa vathu va nga xavisa wutomi wawe kani? Ngu kumaha keto, kha ti lava ku masela. Nguto ti nga mahisa tona tindena tile tatiraru.

Amosi 9:4

Se ngako va txiya kukhotelwani masoni ka valala vawe, ani na rumisa taku ve dawa ngu ditxhari; ani na veka diso dangu txitimwi kwawe, ti taku ve maneka ha kubihani, na i si nga wunene.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”