Levhi 16:8 - Bhiblia Yo Sawuleka

⁸ Se Aroni a na xaxuva tixolo ngu vamabhongwe vambidi, kasi kuziva wu a lumbako Mkoma ni wu a lumbako Azazeli.

Levhi 16:8 Referans Kwoze

Jona 1:7

Se mmweyo ni mmweyo a ti ti khene ka mmwani: Ngonani hi ta xaxuva tixolo, kasiku hi na ziva tito, nji txani txi hi mahako hi humelelwa ngu phango yiya. Va to xaxuva tixolo, se xolo yi ya wela Jona.

Mavingu 16:33

Xolo yi xaxuvelwa hammidi, aniko totshe ta tinene ti ta ngu ka Mkoma.

Ezekhiyele 48:29

Adiya ngu dona ditiko di mi no abanisela di maha thomba ya tihunzu ka Israyeli; se asiya ngu sona sikhwemu sa kona, kuwomba Mkoma Txizimu.

Mitengo 33:54

Se ngu kuxaxuva tixolo, mi na mana ditiko di na maha thomba yanu, madingano ni mimwaya yanu; ngu wungi wa kona, mi na talelwa ngu tithomba, eyo dikato di no wela kwakwe; madingano ni tihunzu ta vatate vanu, mi na teka tithomba.

Mitengo 26:55

Hambi keto, ditiko di na abaniselwa ngu kuxaxuva tixolo; madingano ni matina a tihunzu ta vatate vawe, va na ningwa.

Levhi 16:7

Se a na teka vamabhongwe vambidi e va tisa ka Mkoma ha txikeni ka ditenda da msengeletano.

Levhi 16:9

Sekoko Aroni a na ningela ka Mkoma mabhongwe wu xolo yi nga komba ene, e maha mningelo wa mhamba yo divalela txionho.

Levhi 16:10

Aniko mabhongwe wule xolo yi nga komba taku mabhongwe wa Azazeli, a na mtisa masoni ka Mkoma a txi hanya, kasi ku e maha ngene mningelo wa mhamba yo divalela txionho, se e mrumela mabhongwe wule ka Azazeli, txiwulani.

Levhi 16:26

Se awule a nga heleketa mabhongwe (i ku mabhongwe wo tsiveta), a na kuwula syambalo sakwe, e samba mmidi wakwe matini, se ngu kona a no wulela wugoveloni.