Levhi 16:4 - Bhiblia Yo Sawuleka

⁴ Kukhata a na ambala dibhaji do sawuleka da linyu, ni txibhulukwana txa linyu, e ti sunga txiwununi ngu libhande la linyu, ni txigoko txa linyu: Asiya nziambalo so sawuleka; ngu toneto, a na samba mmidi wakwe ngu mati, a txi si ambala.

Levhi 16:4 Referans Kwoze

Eksodha 30:20

Mbimo yi va no wulela ditendani ka msengeletano, va na samba ngu ona mati awa kasiku va si fi; ni kungako va txi tshuketa ha txiluveloni va txi ya maha mthumo wa kumaha mningelo wa Mkoma.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Levhi 6:10

Se mphaxeli a na ambala syambalo sakwe sa linyu, a txi ambala dibhuluku da linyu, se a na thavisa dikhuma, msana ka kuva mndilo wu di tshokomisile mningelo wo hiswa ha txiluveloni, a txi di veka didhawa ka txiluvelo.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

Vafilipiya 2:7

aniko ene ngu kuranda kwakwe, a tekile txiemo txa txithumi, e ti fananisa ni vathu, a txi ti wonekisa kota nga m'thu.

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Isaya 53:2

Nguko a humile masoni ka Mkoma nga txiluva, e fana ni m'twi ka mafu a kuoma; asi nga ni wuwono ni kutshura ka hombe; se mbimo yi athu hi nga muwona, kha ha wona kutshura ni kakumweko, kasi ku hi txi mnavela.

Levhi 16:24

A na samba mmidi ngu mati a di ha wukhaloni ko sawuleka, e ambala syambalo sakwe a txi huma. Se e maha mningelo wa mhamba yo hiswa ngu wutumbu wakwe apune ni wa vathu, a txi maha mhamba yo divalela txionho, ene ni vathu votshe.

Eksodha 40:12

Se u na ruma ati to Aroni ni vanana vakwe ve tshuketa ha txikeni ka ditenda do sawuleka u txi va sambisa ngu mati.

Eksodha 29:4

Sekoko u na maha ati to Aroni ni vanana vakwe ve tshuketa ha txikeni ka ditenda da msengeletano u txi va kuwula ngu mati.

Eksodha 28:2

Se mwananu Aroni u na mmahela syambalo so sawuleka, so komba wudhundo ni kutshura.

Levhi 16:23

Msana keto, Aroni a na wulela amu ka ditenda da msengeletano, e ambula syambalo sakwe sa linyo sa wuphaxeli, a nga ti ambate kuwulelani kwakwe ka wukhalo wo sawuleka, a txi si veka konamo.

Levhi 16:32

Se mphaxeli wu a no totwa, ni kusawulwa kasi kumaha mphaxo wukhaloni ka tate wakwe, a na maha mphaxo wa kuthavisa sionho, na a ti ambate syambalo sa linyu, i ku syambalo so sawuleka,

Ezekhiyele 9:2

Wona taku ku ti ti ta mtxhanu wa vavamna ni mmweyo ngu nzila ya ditimba do guleka, do rendekela wuphemba, mmweyo ni mmweyo ni matxhari akwe manzani, o khundumusa ngu ona, se hagari kwawe ku ti ti ni wamwamna a nga ti ambate sa linyu, ni txiya txi nga ti ti ni so bhala ngu sona; se va to wulela veya maneka hafuhi ni txiluvelo txa koporo.

Ezekhiyele 44:19

Se mbimo yi va no huma ka mtendela wa hahanze, ka vathu, mtendelani ka hahanze, va na ambula syambalo sile va nga thuma ngu sona, va txi si veka ka tinyumba to sawuleka, ve ambala simwani simaha, kasi ku va si sawulekisi vathu va di ni syambalo sawe.

Levhi 6:3

mwendo a di rote txile txi ngadi mwalate, se a txi mlambela ngu kuxambanya makuhu, mwendo kumha ni txihi ka sotshe sile si onhisako m'thu,