Levhi 16:30 - Bhiblia Yo Sawuleka

³⁰ Nguko, ka donedo ditshiku, ku na mahwa mhamba yo divalela sionho sanu, kasi mi txi basiswa, ka sotshe sionho sanu, masoni ka Mkoma.

Levhi 16:30 Referans Kwoze

Jeremiya 33:8

Ni na va basisa ka wubihi wawe wotshe awu va nga ni onhela ngu wona; ni txi va divalela sionho sawe sotshe asi va nga ni wukela ngu sona, asi va nga hambuka ngu sona masoni kwangu.

Vaefesu 5:26

kasiku a txi di kuwula ngu mati, ni ku di basisa ngu dipswi,

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Masalmo 51:10

Awe Txizimu, ni he mbilu ya yinene; wuseta m'hefemulo wangu, u txi wu tsanisa.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Levhi 23:27

Ka ditshiku da wugumi, da mtxima wa wutxhanu ni yimbidi, ditshiku da hombe do divalela sionho: Mi fanete kuramba msengeletano wo sawuleka, mi txi maha mithumo ya kukomba kupandiseka ngu sionho ni kumaha mningelo wa mhamba ya Mkoma.

Levhi 23:28

Ka donedo ditshiku, mi nga maheni mthumo ni wawumwewo, nguko ditshiku do divalela, di nga emiselwa ti to anu, mi mana kudivalelwa masoni ka Mkoma, Txizimu txanu.