Levhi 16:29 - Bhiblia Yo Sawuleka

²⁹ Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

Levhi 16:29 Referans Kwoze

Isaya 58:3

Va txi kha vona: Se hi titonela txani sakudya, na u si hi woni kani? Hi txanisela txani muhefemulo wathu, na awe u si ti zivi kani? Wonani taku, ditshiku di mi ti tonako sakudya, mo mana ku ti tsakisa mipune, kambe mi lwela wotshe mthumo wanu.

Mitengo 29:7

Se ngu ditshiku da digumi, ka mtxima wuwa wa wutxhanu ni yimbidi, mi na va ni msengeletano wo sawuleka, ni kukarateka timbiluni kwanu, mi nga maheni mthumo ni wawumwewo.

Dhaniyeli 10:12

Sekoko a to khene kwangu: U nga thave, Dhaniyeli, nguko kukhukhela ditshiku do khata u nga tsanisa mbiluni kwako, kupfisisa ni kutiveka hahatshi masoni ka Txizimu txako, txi engisile kukombela kwako; se ani ni tile ngu mhaka ya mapswi ako.

Isaya 58:5

Ina ngu kona kutitona ku ni ndi no kusawula: Aku ko ditshiku dimwedo m'thu e xanisa muhefemulo wakwe, e namisa msungo a txi nga liwungu, kambe e ateta disaka da koni dikhumani kani? Ina awe u ndi na khawe eko ngu kona kutitona sakudya, ni ditshiku do tsakisa Mkoma kani?

Masalmo 35:13

Kambe, mbimo yi vona va nga txi lwala, ani ni ti ambala disaka ni txi va xanisekela ngu kutitona sakudya ni ku va kombelela.

Levhi 23:36

Anu, ka ona masikuyo a mtxhanu ni mambidi, mi na maha miningelo yo hiswa ka Mkoma. Ka ditshiku da wutxhanu ni mararu, mi na ramba msengeletano wo sawuleka, mi maha mningelo wa mhamba ka Mkoma. Msengeletano wa m'buso wo gwitisa, mi nga maheni mthumo ni wawumwewo.

Levhi 23:21

Mi fanete mi ramba msengeletano wo sawuleka, mi si mahi ni wawumwewo mthumo wo nemela. Ewo mthetho wa lisima yotshe mbimo, ka sotshe situkulwana sanu, hani ni hani mi no maneka mi txi aka kona.

Eksodha 20:10

Aniko ka ditshiku da wutxhanu ni mambidi, ditshiku da Sabbata da Mkoma Txizimu txako. U nga thume mthumo ngu ka dona ditshikudo, awe ni mfana wako, ni dihorana dako, ni txithumi txako txa wamwamna ni txa wamsikati, hambi ni txifuyo txako, ni mpfhumba wule a ku ha m'tini kwako.

Vahebheru 4:10

Nguko, awu a nga wulela kuhumulani ka Txizimu, nene wa humula mithumoni kwakwe, kufana ni Txizimu txi humulako mithumoni ka txona.

1 Vakorinto 11:31

Idiku ho ti xola hipune, nga hi si lamulwi;

Dhaniyeli 10:3

Ni sidyi sakudya so dhundeka, nyama ni vhinya si si wuleli mkanani kwangu, kambe ni si toli mafura, kala kuza kuguma mavhiki mararu.

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Masalmo 69:10

Nguko hambi ni txi dila ni kutitona sakudya vona va ni xowokisela;

Ezra 3:1

Mbimo yile ku nga hoka mtxima wa wutxhanu ni yimbidi, na vanana va ka Israyeli va di wulete madhoropani, votshe vathu va to patana veva m'thu mmweyo, kona Jerusalema.

1 Vafumeli 8:2

Se votshe vavamna va ka Israyeli va to patana ka m'buso, ka mfumeli Solomoni, ka mtxima wa etanimi, i ku mtxima wa wutxhanu ni yimbidi.

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Eksodha 30:10

Kumweko ngu dilembe, Aroni a na maha mhamba yo dihela sionho, txitimwi ka titxheho ta ha txiluveloni ngu mnoha wo dihela sionho, ka ditshiku da mningelo, kumweko ngu dilembe, ene a na maha mningelo ka txona, ngu tiveleko tanu; txiluvelo txiya txi na va txo sawuleka ngutu masoni ka Mkoma.”

Eksodha 12:16

Ka ditshiku do khata mi na va ni msengeletano wo sawuleka, ni ka ditshiku da mtxhanu ni mambidi mi na va ni msengeletano wo sawuleka; kha mi na mbi ñola ni wawumwewo mthumo ka masiku oneyo, hahanze ka mthumo wa kululamisa asi mmweyo ni mmweyo a no dya.

Mithumo 27:9

Yi di pindile mbimo yo lapha, kutsimbila ngu txitimela ku ti ni phango, nguko hambi ditshiku da hombe da kutitona sakudya di ti pindile. Paulo a to va laya,

Eksodha 31:14

Ti di ngeto, vekisani masabhata angu, nguko kwanu i mhaka yo sawuleka. Awule a di bihisako a na khawuliswa ngu kudawa, awule ka donedo ditshiku a mahako mthumo wokari a na thaviswa hagari ka vathu va ka kwawe.

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

1 Samuwele 7:6

Se va to sengeletana kona Misipa, ve reka mati ve ma theletela masoni ka Mkoma, kambe ka ditshiku donedo va to titona kudya, va txi kha vona: Hi onhete Mkoma. Se Samuwele a to lamula vanana va ka Israyeli kona Misipa.

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

Levhi 25:9

Sekoko ka ditshiku da digumi ka mtxhima wa wutxhanu ni yimbidi; i ku ditshiku da hombe da kudivalelwa ka sionho, u na ruma vahuweleli va txi veta mipundu ditikoni kotshe.