Levhi 16:28 - Bhiblia Yo Sawuleka

²⁸ Awule a nga ya si hisa, a na kuwula syambalo sakwe, e samba mmidi ngu mati, se ngu kona a no wulela wugoveloni.

Levhi 16:28 Referans Kwoze

Mitengo 19:7

Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova.

Mitengo 19:8

Ni ene ni wule a nga hisa homu, nene a na kuwula syambalo sakwe, e samba mmidi ngu mati, ngu msana a na zumba a txi yila kala ni minova.

Levhi 11:24

Awule a gwesako txirumbi txa sona sihari sile si nga wombwa ti to sa yila, a na va a txi yila ka dotshe ditshiku donedo.

Levhi 11:25

Awule a rwalako txirumbi txa sihari soneso, a fanete kukuwula syambalo sakwe, e zumba a txi yila, dotshe ditshiku.

Levhi 11:40

Awule a dyako nyama ya txona txiharitxo txo fa, a na kuwula syambalo sakwe, e maneka a txi yila ka dotshe ditshikudo; ni wule a rwalako txirumbi txa kona a na kuwula syambalo sakwe, e yila ka dotshe ditshikudo.

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Levhi 16:26

Se awule a nga heleketa mabhongwe (i ku mabhongwe wo tsiveta), a na kuwula syambalo sakwe, e samba mmidi wakwe matini, se ngu kona a no wulela wugoveloni.

Mitengo 8:7

Ati u no mahisa tona kasi ku va basisa ngu tiya: U na xwayela txitimwi kwawe mati o thavisa sionho, msana keto va na ti yola wotshe mmidi wawe ngu limo, ve kuwula syambalo sawe.

Mitengo 19:10

Awule a nga ola dikhuma da homu, a na kuwula syambalo sakwe e zumba a txi yila kala ni minova. Atxiya, njileleto txo pinduka hagari ka vanana va ka Israyeli, ni ka mluveli wu a ku hagari kwawe.

Johani 13:10

Se Jesu a to khene: “Awu a nga samba, kha nga ni fanelo ya kusambiswa kambe, hahanze ka mikondo dwe, nguko wotshe mmidi wakwe wu basile: Se na nanu mi basile, kambe hi nga anu motshe.”