Levhi 16:24 - Bhiblia Yo Sawuleka

²⁴ A na samba mmidi ngu mati a di ha wukhaloni ko sawuleka, e ambala syambalo sakwe a txi huma. Se e maha mningelo wa mhamba yo hiswa ngu wutumbu wakwe apune ni wa vathu, a txi maha mhamba yo divalela txionho, ene ni vathu votshe.

Levhi 16:24 Referans Kwoze

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Levhi 22:6

Awule a nga gwesa simaha siya, a fanete e zumba a txi yila kala ni minova, asi dyi sile so katekiswa, kala kuza e samba mmidi ngu mati.

Levhi 14:9

Ku di pindile mtxhanu wa masiku ni mambidi, a na kuyulwa kambe misisi ni txiletu; a na kuwula syambalo sakwe e samba mmidi ngu mati, se e va a di basile.

Eksodha 28:40

Ka vanana va ka Aroni u na va rungela mahembe, tibhande, u txi va mahela kambe sigoko, ku txi va fanelo ni kutshura.

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Levhi 16:25

Ngu kugwita a na hisa ha txiluveloni, mafura a sihari si si nga mahwa mningelo wa mhamba yo basisa txionho.

Levhi 9:7

Se Mosi a to khene ka Aroni: Tshuketa ha txiluveloni, u maha mphaxo wako wa txionho, ni mningelo wa mhamba yo hiswa, u maha mhamba ya kudihela txionho, ngu didhawa dako ni didhawa da vathu, ngu toneto kambe, maha mningelo wa mhamba ya vathu votshe, u va mahela mhamba yo divalelwa txionho, nga tonti a nga womba Mkoma Txizimu.

Ezekhiyele 42:14

Ngako vaphaxeli va txi wulela, kha va na mbi huma ka wukhalo wo sawuleka, va txi ya ka ligumbagumba la hahanze, aniko va na veka kona syambalo sawe sile va nga thuma ngu sona, nguko sona ngu sawuleka; se va ti ambeka simwani syambalo, va txi tshuketa ka wukhalo wu lumbako vathu.