Levhi 16:23 - Bhiblia Yo Sawuleka

²³ Msana keto, Aroni a na wulela amu ka ditenda da msengeletano, e ambula syambalo sakwe sa linyo sa wuphaxeli, a nga ti ambate kuwulelani kwakwe ka wukhalo wo sawuleka, a txi si veka konamo.

Levhi 16:23 Referans Kwoze

Ezekhiyele 44:19

Se mbimo yi va no huma ka mtendela wa hahanze, ka vathu, mtendelani ka hahanze, va na ambula syambalo sile va nga thuma ngu sona, va txi si veka ka tinyumba to sawuleka, ve ambala simwani simaha, kasi ku va si sawulekisi vathu va di ni syambalo sawe.

Ezekhiyele 42:14

Ngako vaphaxeli va txi wulela, kha va na mbi huma ka wukhalo wo sawuleka, va txi ya ka ligumbagumba la hahanze, aniko va na veka kona syambalo sawe sile va nga thuma ngu sona, nguko sona ngu sawuleka; se va ti ambeka simwani syambalo, va txi tshuketa ka wukhalo wu lumbako vathu.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Levhi 16:4

Kukhata a na ambala dibhaji do sawuleka da linyu, ni txibhulukwana txa linyu, e ti sunga txiwununi ngu libhande la linyu, ni txigoko txa linyu: Asiya nziambalo so sawuleka; ngu toneto, a na samba mmidi wakwe ngu mati, a txi si ambala.

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

Levhi 16:22

Ngu toneto, mabhongwe wule a na rwala kotshe kubiha kwawe, e tsula nako txiwulani.

Levhi 6:11

Msana keto, a na ambula syambalo sakwe, a txi ambala simwani syambalo, se a na tsula ni dikhuma hahanze ka wugovelo, ka wukhalo wo basa.