Levhi 16:20 - Bhiblia Yo Sawuleka

²⁰ Msana ka kuva Aroni a di mahile mphaxo wa kubasisa wukhalo wo sawuleka, ni ditenda da msengeletano, ni txiluvelo, sekoko a na tisa mabhongwe wo hanya.

Levhi 16:20 Referans Kwoze

Ezekhiyele 45:20

U na maha toneto kambe ka ditshiku da wutxhanu ni mambidi ka mtxima, ngu mhaka ya vale va hohetako, ni vale va ti timelelako; mi na divaleliseto yotshe nyumba.

Levhi 16:16

Ngu toneto, a na maha mhamba yo basisa wukhalo wo sawuleka, awu wu nga nyenyeziswa ngu wubihi, ni sihambunyeto, ni sionho sa vanana va ka Israyeli; a na maha kambe toneto ngu ditenda da msengeletano, adi di ku ngu hagari ka vathu vo mbi lulama.

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Vakolosa 1:20

ti txi tsakisile kambe Txizimu ti to kwakwe Kristu, sotshe simaha si txi mana kupfana, a txi si ninga kuthutha ngu mtamo wa txihambano txakwe, hambi sa ha mafuni, mwendo sa nzumani.

2 Vakorinto 5:19

Eto tikomba ti Txizimu txi mahisako tona kasi kutshanganisa ditiko kumweko natxo ngu Kristu, na txi si na mhaka ngu minandu ya vathu; se txi hi ningile mthumo wuwa wa kutshanganisa vathu kumweko natxo.

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.

Levhi 8:15

Se Mosi a to wila thamo ya txirolyana; e nakanisa litiho mu ka mnoha, se e totela ngu wona ka madhawa a txiluvelo, ngu kurendelekisa, kasi kusawulekisa txiluvelo. Mnoha wu wu nga sala, a to wu thela hafuhi ka txiluvelo, e txi sawulekisa, ti to mhamba yo kuwula txionho yi txi mahelwa konaho.

Levhi 6:30

Kambe kha ku na mbi dyiwa ni sa mphaxo ni wawumwewo wa kudivalelwa ka txionho, awule mnoha wa kona wu tiswako ditendani ka msengeletano, kasi ku ta sawulekisa nyumbani; wu nga dyiwe, wu na hiswe ha mndiloni.

Levhi 16:19

A na xwayela ngu mnoha mtxhanu wa sikhati ni simbidi ha txiluveloni, e txi basisa ni ku txi sawulekisa ka wubihi wa va ka Israyeli.

Levhi 16:21

Se Aroni a na sanzeka manza ha msungo ka mabhongwe wo hanya, se e ti tshanza ngu wotshe wubihi wa vanana va ka Israyeli, ni wotshe wuhambunyeti wawe, madingano ni sotshe sionho sawe; a na si veka txitimwi ka msungo wa mabhongwe, a txi m'heleketa txiwulani, ngu dianza da m'thu wu a nga emiselwa kumaha toneto.