Levhi 16:2 - Bhiblia Yo Sawuleka

² Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Levhi 16:2 Referans Kwoze

Eksodha 30:10

Kumweko ngu dilembe, Aroni a na maha mhamba yo dihela sionho, txitimwi ka titxheho ta ha txiluveloni ngu mnoha wo dihela sionho, ka ditshiku da mningelo, kumweko ngu dilembe, ene a na maha mningelo ka txona, ngu tiveleko tanu; txiluvelo txiya txi na va txo sawuleka ngutu masoni ka Mkoma.”

Vahebheru 9:25

Ene kha wulelela ku ti ningela sikhati so tala, nga ti a mahisako tona mphaxeli wa hombe dilembe ni dilembe, a wulelako txiluveloni ko basa, a txi tisa mnoha wo va i si nga wakwe.

Matewu 27:51

Se ti di mahile eto, nguwo ya Dithepele yi to vharuka ngu hagari, kukhukhela txitimwi kala hahatshi; mafu ma txi zinginikela, marigwi ma txi fayekela.

2 Makronika 5:14

Se vaphaxeli va si dingani kuthuma va di emile, ngu mhaka ya direfu, nguko wudhumo wa Mkoma wu ti tatile Nyumba ya Txizimu.

1 Vafumeli 8:6

Se vaphaxeli va to tisa dibhokiso da txitumelelano txa Mkoma ka wukhalo wa dona, ka wukhalo wo khongela ka wona, wo sawuleka ngutu, kala hahatshi ka tibhapi ta makerubhima.

Vahebheru 9:3

Ngu msana ka m'jiyo wa wumbidi, ku ti ni dimwani ditenda, di nga ti dhanwa ku Wukhalo wo Sawuleka ngutu.

Mitengo 17:10

Sekoko Mkoma a to khene ka Mosi: Tshumeta ndonga ya Aroni masoni ka txitumelelano, yi na xayiswa kona, ti to yi na maha txialakanyiso ka vanana va vo kaneta; kasi kufuvisa sisolo hagari kwawe ngu kuhetiseka ti to va siswi vefa.

Mitengo 4:19

Aniko, ati mi no va mahela ngu tito, ve hanya va si fi mbimo yile va tshuketako ka wukhalo wo kusawuleka ko sawuleka, mi na maha tiya: Aroni ni vanana vakwe, va na emiswa mmweyo ni mmweyo ka mthumo wakwe, ni wukhalo wakwe.

Levhi 23:27

Ka ditshiku da wugumi, da mtxima wa wutxhanu ni yimbidi, ditshiku da hombe do divalela sionho: Mi fanete kuramba msengeletano wo sawuleka, mi txi maha mithumo ya kukomba kupandiseka ngu sionho ni kumaha mningelo wa mhamba ya Mkoma.

Levhi 16:13

Se a na thela dibaselo txitimwi ka makala a mndilo, masoni ka Mkoma, wutshi wa dibaselo, wu na fanengeta txikhalo txa Wufakazi, kasiku Aroni asi fi.

Levhi 8:35

Ngu toneto, zumbani ha txikeni ka ditenda da msengeletano, wusiku ni mitshikari, amu ka mtxhanu wa masiku ni mambidi. Mi fanete kuvekisa sileleto siya sa Txizimu, ngako mi si lavi kufa. Sileleto siya ngu sona ni nga gelwa.

Vahebheru 6:19

Txithembiso txiya, kwathu, txi fanana ni hangi ya moya, ayi i ku ya kutsana ni kuthembeka, ayi yi dolako nguwo ya txitshingelelo ya dithepele yi txi wulela mndani ka txiluvelo txa Txizimu.

Vahebheru 9:5

Ngu txitimwi ka mtundu ku ti ni sivangwa so hanya si dhanwako ku makerubhima, asi si nga ti kombisa wudhumo wa Txizimu, si txi fenengeta txikhalo txa wumbilu ngu mtsudi wa sona. Aniko, kha hi nga ni mbimo ya kuxawutela sotshe tximwetxo ngu tximwetxo.

Mtuletelo 15:8

Dithepele di to tala ngu wutshi, ngu mhaka ya wudhumo wa Txizimu ni mtamo wa txona, ahawa koza ni wammweyo asi sikoti kuwulela Dithepeleni, kala kuza kuhetiseka mitungu yile ya mtxhanu ni yimbidi ya tingelozi ta mtxhanu ni timbidi.

Mitengo 4:5

Ngako di txi khukha, Aroni ni vanana vakwe, va na thavisa nguwo ya txibhiya. Va na fenengeta ngu yona dibhokiso da wufakazi.

1 Vafumeli 6:16

A to aka kambe magumi mambidi a mikono a mapulango a mikedhari madhawani ka nyumba, kukhukhela hahatshi kala mu ka maseta, se ngu nyumbani a to aka wukhalo wa siprofeto, ka Wukhalo wo Sawuleka.

Levhi 16:34

Se atxiya i nava txileleto txo mbi gwita, kasi kuthavisa sionho sa vanana va ka Israyeli, ka sotshe sionho sawe, kumweko ngu dilembe. Se Aroni a to mahisa tona ti Mkoma a nga rumisa tona ka Mosi.

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.