Levhi 16:17 - Bhiblia Yo Sawuleka

¹⁷ Ni wammweyo a nga maneka amu ka ditenda da msengeletano, mbimo yi Aroni a wulelako amu ka wukhalo wo sawuleka, kasiku e maha mhamba yo divalela txionho ene apune, ni txa ngamu yakwe, ni wotshe msengeletano wa va ka Israyeli.

Levhi 16:17 Referans Kwoze

Luka 1:10

Dotshe dibutho di ti ti khongela, di di hahanze ngu mbimo ya dibaselo.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Eksodha 34:3

Ni wammweyo m'thu a nga kwele ni nawe, ni wammweyo m'thu a nga woneke kotshe mmangoni, hambi tinvuta mwendo tihomu si nga dyele hafuhi ka mmango.”

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Vahebheru 9:7

Aniko, ka ditenda da wumbidi ku ti wulela mphaxeli wa hombe ekha, kumweko ngu dilembe, aniko atiya, a ti si ti mahi a sa thanga ngu kumaha mningelo wa mnoha wa kuhiselwa sionho sakwe ni sa vathu.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

1 Timoti 2:5

Nguko Txizimu njimwetxo dwe txi kuho, se ni m'thu mmweyo a kuho hagari ka Txizimu ni ka vathu, ku Jesu Kristu m'thu mnene,

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Levhi 16:16

Ngu toneto, a na maha mhamba yo basisa wukhalo wo sawuleka, awu wu nga nyenyeziswa ngu wubihi, ni sihambunyeto, ni sionho sa vanana va ka Israyeli; a na maha kambe toneto ngu ditenda da msengeletano, adi di ku ngu hagari ka vathu vo mbi lulama.

Levhi 16:18

Ngako a di humile, a na ya ka txiluvelo txi txi ku masoni ka Mkoma, a di ni mnoha wa dirole ni wa mabhongwe, e xwayela ngu wona titshokata madhawani ka txiluvelo.

1 Makronika 6:34

mwana Elikana, mwana Jerowami, mwana Eliyeli, mwana Towa,