Levhi 15:5 - Bhiblia Yo Sawuleka

⁵ Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Levhi 15:5 Referans Kwoze

Levhi 11:25

Awule a rwalako txirumbi txa sihari soneso, a fanete kukuwula syambalo sakwe, e zumba a txi yila, dotshe ditshiku.

Levhi 17:15

Ngako mmwani m'thu wa ka Israyeli mwendo mluveli wu a nga aka kwawe, a txi dya nyama ya txihari txo fa, hambi txo dawa ngu tximwani txihari txa txitinga, a na va a txi kuwula syambalo sakwe, e samba ngu mati, se a txi zumba a sa basa kala minova; ngu msana a na va a di basile.

Levhi 16:26

Se awule a nga heleketa mabhongwe (i ku mabhongwe wo tsiveta), a na kuwula syambalo sakwe, e samba mmidi wakwe matini, se ngu kona a no wulela wugoveloni.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Ezekhiyele 36:29

Ni na mi txhatxhisa ka yotshe nzambwa; ni na tisa fulaho ni txi yi andisa, kambe kha ni na mbi tisa nzala txitimwi kwanu.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Isaya 22:14

Aniko Mkoma wa Mabutho a Tiyimbi, a wombile tinzeveni kwangu a txi khene: Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.

Isaya 1:16

Sambani, mi ti basisa, thavisani mithumo yanu yotshe yo biha masoni kwangu mi leka kumaha kubiha.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Masalmo 26:6

Na samba manza angu, kasi kukomba ti to kha ni nga ni mnandu, se na tshuketa hafuhi ka txiluvelo txako, Mkoma,

Mitengo 19:22

Ni sotshe si si nga gweswa ngu m'thu wo mbi sawuleka, si na va si sa sawuleka, ni wu a no gwesa wu m'thu, nene kha sawuleka kala ni minova.

Mitengo 19:10

Awule a nga ola dikhuma da homu, a na kuwula syambalo sakwe e zumba a txi yila kala ni minova. Atxiya, njileleto txo pinduka hagari ka vanana va ka Israyeli, ni ka mluveli wu a ku hagari kwawe.

Levhi 16:28

Awule a nga ya si hisa, a na kuwula syambalo sakwe, e samba mmidi ngu mati, se ngu kona a no wulela wugoveloni.

Levhi 14:27

A na xwayela mtona, mtxhanu wa sikhati ni simbidi, ngu litiho la dianza da txinene, lo nakaniswa amu ka mtona, masoni ka Mkoma.

Levhi 13:34

Ngako msana ka ale masiku a mtxhanu ni mambidi a di woni ti to dithanzi kha da endeleka, ni ti to ku kha da tshima aha ka nyama yakwe, mphaxeli a na m'gela ku a basile.

Levhi 13:6

Ka ditshiku da wutxhanu ni mambidi, a na engeta e mu wonisisa. Se ngako a txi wona ti to dithanzi kha da endeleka, kambe kha di bhilivili, mphaxeli a na mu wombe ti to a basile. Ta komba ti to mbuhalala dwe; mlwati a na kuwula syambalo sakwe, se a na va a di basile.

Levhi 11:32

Ni sotshe siya sile siwako txitimwi ka sona, ngako si txi fa, mwendo siya sa mapulango, syambalo, madhowo, masaka, hambi ni sihi si m'thu asi thumisako, ka wuhi ni wuhi mthumo wu a wu mahako, si yilite. Si na betwe matini si kuwulwa, ni kuzumba si txi yila dotshe ditshiku. Se ngu msana si na maneka si di basile.

Levhi 11:28

Ni wule a rwalako txirumbi txa sona a fanete kukuwula syambalo sakwe ni kuzumba a txi yila ka dotshe ditshiku dile. Asiya nzimaha so yila kwanu.

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,

Levhi 15:4

M'bhedhu wu a otelako ka wona ene, wa yila, ni ka wuhi wukhalo a khalahatshako ka wona, ni wona wu na va wu txi yila.

Levhi 15:6

Awule a otelako ahale ene a nga ti otete kona, a na va a txi kuwula syambalo sakwe, e samba mmidi wakwe e maneka a txi yila ka dotshe ditshiku dile.

1 Samuwele 20:26

Aniko ka ditshiku donedo, Sawule kha womba txilo, nguko a ti ti khene: Dhavhidha a to humelelwa ngu to maha, kutilava kha basa; kha ditshuri kha basa.

Levhi 11:24

Awule a gwesako txirumbi txa sona sihari sile si nga wombwa ti to sa yila, a na va a txi yila ka dotshe ditshiku donedo.

Levhi 15:18

Ngako wansikati a txi otela ni wamwana, a wu kwakwe yi nga huma mbewu ya liveleko, vona ngu wumbidi wawe va fanete kusamba mimidi hambi keto, va na va va sa basa, kala kuswa ditambo.