Levhi 15:25 - Bhiblia Yo Sawuleka

²⁵ Wamsikati wokari, awule a ku ni kuhuma ngutu mnoha wakwe, amu ka masiku okari, i si nga mbimo yakwe ya mitxima, mwendo kuhuma ka mnoha wakwe, ku txi ya masoni kupinda mbimo yakwe ya mitxima, a na va a sa basa ka yotshe mbimoyo ya kuhumela ka mnoha, ku nga mbimo yakwe ya mitxima.

Levhi 15:25 Referans Kwoze

Luka 8:43

Jesu a di ngadi a txi ya kona, vathu votala va to mu kamanyeta. Se wamsikati wokari, a nga ti ni malwati a lingolengole, awu a nga lwala digumi da malembe ni mambidi, a txi heta male yakwe yotshe ngu vadhokodhele, aniko ni wammweyo kha sikota ku mu hanyisa.

Marku 5:25

Se mmweyo wa wamsikati a ti ti xuphwa ngu malwati a lingolengole, ngu txipimo txa digumi da malembe ni mambidi;

Matewu 9:20

Sekoko, mmweyo wamsikati a nga ti xupheka ngu malwati a lingolengole, ngu txipimo txa digumi da malembe ni mambidi, a to mtshuketela ngu msana, e gwesa wuziva wa nguwo yakwe.

Levhi 15:26

Mataho otshe awa a otelako ka ona, ka txikhati txa wulwati wakwe, ma nava ma sa basa, kufana ni txikhati txa mitxima yakwe; ngu toneto, ni sotshe simaha si asi khalahatshelako si na va si sa basa, kufana ni masiku akwe a mitxima.