Levhi 15:19 - Bhiblia Yo Sawuleka

¹⁹ Wamsikati wokari ngako a di ka mbimo ya mitxhima, a na va a txi yila amu ka mtxhanu wa masiku ni mambidi. Awule a manekako a txi m'gwesa, a na va a txi yila, kala minova.

Levhi 15:19 Referans Kwoze

Levhi 12:2

Gela vanana va ka Israyeli sileleto siya: Wamsikati wu a nga mana txirumbu, se e veleka mwanana wa mfana, a na va a txi yila mu ka mtxhanu wa masiku ni mambidi, ku nga mbimo yi a wonako mitxima yakwe.

Marku 5:25

Se mmweyo wa wamsikati a ti ti xuphwa ngu malwati a lingolengole, ngu txipimo txa digumi da malembe ni mambidi;

Matewu 15:19

Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Ezekhiyele 36:17

Awe mwanana wa m'thu, mbimo yile va nyumba ya ka Israyeli va nga ti ti zumba ditikoni kwako, va di nyenyezisile ngu dihanyo dawe ni mithumo yawe; kufana ni wamsikati wu a ku ka mbimo yakwe yo zumba didhawa, edo i ti ti dihanyo dawe, masoni kwangu.

Sidilo 1:17

A guletile mawoko akwe Siyoni a txi khongela: Aniko kha ku nga ni wo mthavelela; Mkoma a rumile tito, ava va nga gwatama ni Israyeli ve va valala vakwe; Jerusalema a fana ni nzambwa yo nyenyeza.

Levhi 20:18

Ngako wamwamna wokari a txi otela ni wamsikati wule a ku ni mitxima yakwe, e ziva wumbwiri wakwe, a txi ziva ditshina da mnoha wa wamsikati, ni wamsikati a zivile ditshina da mnoha wakwe, ngu wumbidi wawe va na fuviswa hagari ka vathu va ka kwawe.

Levhi 12:4

Ngu msana, a na verela kambe magumi mararu a masiku ni masiku mararu, kala e basa ka mnoha wakwe, ti di ngeto, a nga gwese ni txa tximwetxo txa simaha so sawuleka, kala kuza ku txi guma masiku a kubasiswa kwakwe.

Levhi 15:20

Ni ka wuhi wukhalo a manekako a txi otela ka wona, ni ka wuhi wukhalo a manekako a txi khalahatsha ka wona, wu na va wu txi yila.

Levhi 22:5

ka wule a gwesako txihari txo tsimbila ngu dibindi e maneka a di nyenyezisilwe, ka wule a gwesako m'thu wo mbi basa, e maneka a di totetwe nzambwa, hambi i di wuhi ni wuhi.