Levhi 15:18 - Bhiblia Yo Sawuleka

¹⁸ Ngako wansikati a txi otela ni wamwana, a wu kwakwe yi nga huma mbewu ya liveleko, vona ngu wumbidi wawe va fanete kusamba mimidi hambi keto, va na va va sa basa, kala kuswa ditambo.

Levhi 15:18 Referans Kwoze

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

1 Vakorinto 6:18

Thavani wugelegele. Txionho txihi ni txihi a txi mahako m'thu, txi kule ni mmidi wakwe; kambe awule a mahako txionho txa wugelegele a onhela mmidi wakwe wupune.

1 Vakorinto 6:12

“Sotshe kwangu sa tumeleleka.” Ina. Kambe hi nga sotshe si vhunako. “Sotshe kwangu sa tumeleka.” Aniko kha ni tumeli ti to ni txatximweto txi ni fuma.

Masalmo 51:5

Kha ditshuri, ni m'bihi kukhukhela ni txi velekwa; ni muonhi kukhukhela mndani ka mame wangu.

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Eksodha 19:15

Se a to khene ka vathu: “Ka ditshiku da wuraru, manekani mi di ti lulamisete, mi nga tshuketeleni vavasikati.”

Levhi 15:16

Ngako m'thu wokari wa wamwamna a txi thuka a txi huma mnoha wa mbewu yakwe ya liveleko, a na va a txi samba mmidi wakwe wotshe ngu mati, e yila dotshe ditshiku kala kuswa ka ditambo.

Levhi 15:17

Sotshe syambalo ni sotshe simaha sa didhowo si nga va si di dotetwe ngu mbewu ya liveleko, si fanete kukuwulwa ngu mati, si maneka si txi yila kala ni minova ya kona.

2 Samuwele 11:4

Sekoko Dhavhidha a to rumela mitumi ya kuya mteka; se a txi wulela nyumbani ka Dhavhidha, a to otela nayo (nguko a ti ti basisile ka mtxima wakwe); sekoko ene a to tshumela e tsula m'tini kwakwe.