Levhi 15:16 - Bhiblia Yo Sawuleka

¹⁶ Ngako m'thu wokari wa wamwamna a txi thuka a txi huma mnoha wa mbewu yakwe ya liveleko, a na va a txi samba mmidi wakwe wotshe ngu mati, e yila dotshe ditshiku kala kuswa ka ditambo.

Levhi 15:16 Referans Kwoze

Levhi 22:4

Ni wammweyo wa lihunzu la Aroni, a nga tshapelwa ngu tshekela mwendo a nga mana txikanzameti, kha na kudya simaha so sawuleka na a sanzi ku ti basisa. Ngu toneto, kambe ti mahekako ka wule a gwesako txirumbi, mwendo awule mnoha wa liveleko wu nga huma,

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Levhi 15:17

Sotshe syambalo ni sotshe simaha sa didhowo si nga va si di dotetwe ngu mbewu ya liveleko, si fanete kukuwulwa ngu mati, si maneka si txi yila kala ni minova ya kona.

Levhi 15:18

Ngako wansikati a txi otela ni wamwana, a wu kwakwe yi nga huma mbewu ya liveleko, vona ngu wumbidi wawe va fanete kusamba mimidi hambi keto, va na va va sa basa, kala kuswa ditambo.

Dhewuteronome 23:12

Kambe u na va ni wukhalo hahanze ka wugovelo; se koneyo u na huma hahanze.